पंतप्रधान नरेंद्र मोदी हे भारत आणि भारत-अमेरिका संबंधांसाठी सर्वोत्तम नेते आहेत असं आफ्रिकन-अमेरिकन हॉलिवूड अभिनेत्री आणि सिंगर मेरी मिलबेनने म्हटलं आहे. अमेरिकेतील अनेकांना पंतप्रधानांनी पुन्हा निवडणूक जिंकावी, जेणेकरून दोन्ही देशांमधील संबंध आणखी घट्ट होऊ शकतील. त्यांना असं वाटतं की, पंतप्रधान मोदी निवडणुका जिंकण्याच्या मार्गावर आहेत असंही मेरी मिलबेनने म्हटलं आहे.
पीटीआय या वृत्तसंस्थेला दिलेल्या मुलाखतीत मेरी मिलबेन म्हणाली, मी तुम्हाला सांगू इच्छिते की, अमेरिकेत पंतप्रधानांना नक्कीच खूप पाठिंबा आहे. माझा विश्वास आहे की, अनेकांना पंतप्रधान पुन्हा निवडून आलेले पाहायचे आहेत कारण ते भारतासाठी सर्वोत्तम नेते आहेत. मेरी मिलबेनचे भारतात खूप मोठे चाहते आहेत. तिने भारताचं राष्ट्रगीत 'जन गण मन' आणि 'ओम जय जगदीश हरे' हे गाणंही गायलं आहे.
भारतीयांना मतदान करण्याचं आवाहन
मेरी मिलबेन म्हणाली की, मला विश्वास आहे की हा निवडणुकीचा काळ अमेरिका, भारत आणि जगासाठी सर्वात महत्त्वाचा काळ असणार आहे. त्यामुळे नागरिक म्हणून आपल्या सर्वांवर मोठी जबाबदारी आहे आणि ती आपल्याला पार पाडायची आहे. मिलबेनने भारतीयांना मतदान करण्याचं आवाहनही केलं आहे. मी भारतातील माझ्या सर्व प्रिय कुटुंबीयांना या निवडणुकीसाठी मतदान करावं म्हणून प्रोत्साहित करते, जेणेकरून तुमचा आवाज ऐकू येईल असं म्हटलं आहे.
पंतप्रधान मोदी हे भारतासाठी सर्वोत्तम नेते - मिलबेन
हे गुपित नाही, संपूर्ण भारताला माहीत आहे की मी पंतप्रधान मोदींची मोठी समर्थक आहे आणि मला वाटतं की ते भारतासाठी सर्वोत्तम नेते आहेत. भारत-अमेरिका संबंधांसाठी ते एक चांगले नेते आहेत. ही ती वेळ आहे जेव्हा नागरिकांनी आवाज उठवण्याची, महत्त्वाच्या गोष्टी शेअर करण्याची, धोरणांची जी आपल्या देशांसाठी आणि आपल्या नेत्यांसाठी महत्त्वाची आहे. आपल्या देशात बदल घडवून आणण्याची ताकद आपल्यात आहे असंही मिलबेनने म्हटलं आहे.