अमेरिकेतील शिकागो मध्ये एक मोठा विमानअपघात घडला असता. पायटच्या सतर्कतेमुळे हा अपघात टळला. शिकागो आंतरराष्ट्रीय विमानतळावर एका विमानाचे लँडिंग सुरू होते, तेवढ्यात अचानक दुसरे विमान आले. यामुळे मोठा अपघात होण्याची शक्यता होती. पण, पायलटच्या सर्तकतेमुळे मोठा अपघात टळला. या दोन्ही विमानात मिळून शेकडो प्रवासी प्रवास करत होते. पायलटच्या एका निर्णयामुले या सर्व प्रवाशांचे प्राण वाचले.
शिकागो विमानतळावर पायलटला धावपट्टीवर एक जेट विमान दिसले. हे विमान दिसताच पायलटने वेळ वाया न घालवता विमान पुन्हा एकदा आकाशात उडवले. वैमानिकाच्या सतर्कतेमुळे अपघात टळला. जेव्हा विमान पुन्हा हवेत झेपावले तेव्हा प्रवाशांनाही आश्चर्य वाटले. काही काळ विमानातील प्रवाशांमध्ये घबराटीचे वातावरण निर्माण झाले होते.
या घटनेचा व्हिडीओ सोशल मीडियावर व्हायरल होत आहे. व्हिडिओमध्ये, सकाळी ९ वाजता साऊथवेस्टचे विमान अचानक थांबले. त्याचवेळी धावपट्टीवर एक जेट विमान रनवे पार करत होते.याबाबत आता विमान कंपनीकडून निवेदन आले आहे. साउथवेस्ट फ्लाइट २५०४ सुरक्षितपणे उतरले आहे, असं यात सांगण्यात आले आहे. दुसरे विमान धावपट्टीजवळ आल्यानंतर संभाव्य अपघात टाळण्यासाठी खबरदारी म्हणून क्रू पुन्हा उड्डाण केले. कर्मचाऱ्यांनी सुरक्षितता प्रक्रियांचे पालन केले आणि विमान कोणत्याही अपघाताशिवाय उतरले. विमानातील संभाषणाचा एक ऑडिओ समोर आला आहे.
काही दिवसापूर्वीच अपघात झाला होता
काही दिवसापूर्वीच अमेरिकेत दोन विमान अपघात झाले होते. यामध्ये ६ फेब्रुवारी रोजी अलास्कामध्ये झालेल्या एका प्रवासी विमानाच्या अपघाताचा समावेश आहे. यामध्ये सर्व १० जणांचा मृत्यू झाला होता. २६ जानेवारी रोजी वॉशिंग्टनच्या रोनाल्ड रीगन राष्ट्रीय विमानतळावर आर्मी हेलिकॉप्टर आणि अमेरिकन एअरलाइन्सच्या विमानाची टक्कर झाली, यामध्ये दोन्ही विमानांमधील ६७ जणांचा मृत्यू झाला.