गुन्ह्यातील आरोपींच्या मुसक्या आवळल्या

विविध गंभीर गुन्ह्यांमध्ये तीन वर्षांपासून पोलिसांना गुंगारा देणाऱ्या आरोपींच्या मुसक्या आवळण्यात गोंदी पोलिसांना बुधवारी यश आले आहे.

लोकमत न्यूज नेटवर्कशहागड : विविध गंभीर गुन्ह्यांमध्ये तीन वर्षांपासून पोलिसांना गुंगारा देणाऱ्या आरोपींच्या मुसक्या आवळण्यात गोंदी पोलिसांना बुधवारी यश आले आहे.अंबड तालुका न्यायालयाने अनेकदा या आरोपींसाठी समन्स, वॉरंट काढूनही ते विविध गंभीर गुन्ह्यांमध्ये पोलिसांना तीन वर्षांपासून गुंगारा देत होते. आरोपी बुधवारी गावात आल्याची गोपनीय माहिती एपीआय अनिल परजने यांना खब-यामार्फत मिळाली होती. त्यानुसार त्यांनी सापळा रचून सुदाम अंबादास लहाने (रा.महाकाळा), श्रीनिवास चंद्रभान सुळ (रा.कुरण. ता.अंबड) या दोघांना अटक करून न्यायालयात हजर केले असता, न्यायालयाने त्यांची मध्यवर्ती कारागृहात रवानगी केली आहे. ही कारवाई पो.कॉ. महेश तोटे, ज्ञानेश्वर मराडे, अशोक भांगल, अमर पोहार, गणेश बुजाडे, भगवान मुंजाळ आदींनी केली आहे.