जालना : नवीन मोंढा भागातून शहराकडे येत असलेल्या एका व्यापा-यास चाकूचा धाक दाखवून चोरट्यांनी गळ्यातील एक लाख रुपये किमतीची सोन्याची साखळी बळजबरीने काढून घेत पोबारा केला. रविवारी रात्री शिक्षक कॉलनी परिसरातील मुख्य रस्त्यावर ही घटना घडली.सकलेचानगरात राहणारे व्यावसायिक मुकेश मोतीलाल काबरा हे रात्री स्कूटीवरून येत असताना तोंडाला पट्टी बांधलेल्या दोघांनी त्यांना अडविले. चाकूचा धाक दाखवून गळ्यातील सोन्याची चेन हिसकावली. याबाबत पोलिसात तक्रार दिल्यास जिवे मारण्याची धमकी दिली. या प्रकरणी काबरा यांच्या फिर्यादीवरून सोमवारी सदर बाजार पोलीस ठाण्यात गुन्हा दाखल करण्यात आला आहे. उपनिरीक्षक रमेश रुपेकर तपास करीत आहेत.
चाकूचा धाक दाखवून व्यापा-यास लुटले
By लोकमत न्यूज नेटवर्क | Published: November 20, 2017 11:03 PM