भुसावळात पुन्हा चाकू चालला

तिघांविरुद्ध गुन्हा दाखल

भुसावळ : माझ्याकडे का बघतोस अशी विचारणा करुन रागाच्या भरात एकावर चाकू हल्ला करण्यात आला. ही घटना जामनेर रोडवरील इंदिरा नगरात ८ रोजी दुपारी घडली. बाजारपेठ पोलिसात तिघांविरुद्ध गुन्हा नोंद करण्यात आला आहे.फियार्दी रवींद्र रतन साळुंखे (वय २७, रा. इंदिर नगर) हा घरी बसलेला असतांना त्याच्या घराजवळच संशयित आरोपी जितू लोणारी व अन्य तीन जण यांनी साळुंखे यास माझ्याकडे रागाने का बघतोस अशी विचारणा केली व चाकूने मांडीवर वार केला. यात साळुंखे गंभीर जखमी झाला आहे. त्याच्या फिर्यादीवरुन जितू लोणारीसह अन्य तिघांविरुद्ध बाजारपेठपोलिसात गुन्हा दाखल करण्यात आला आहे. पोलिस नाईक नीलेश बाविस्कर करीत आहे.गुरनं. ३२०/२०१९, भादंवि कलम ३२४, ५०४, ५०६, ३४ प्रमाणे नोंद करण्यात आली आहे.