शहरं
Join us  
Trending Stories
1
मुख्यमंत्री होताच हेमंत सोरेन यांचा मोठा निर्णय, 'मैया सन्मान योजने'संदर्भात मोठी घोषणा
2
अमेरिकन भारतात पैसा गुंतवतात; मुकेश अंबानींनी अमेरिकेत केलं मोठं डील
3
PM Modi Salary: पंतप्रधान मोदींना दर महिन्याला सत्कार भत्ता म्हणून मिळतात केवळ 3000 रुपये, जाणूनघ्या किती आहे सॅलरी?
4
“आधी CM राज्यात ठरायचा आता दिल्लीत निर्णय होतो, अजितदादांनी वेगळा अनुभव घ्यावा”: काँग्रेस
5
इस्रायलनं काही तासांतच केलं युद्धविरामाचं उल्लंघन? लेबनानमध्ये हिजबुल्लाहच्या ठिकाणावर केला मोठा हवाई हल्ला
6
Killer Cat: पाळलेल्या मांजरीच्या हल्ल्यात एकाचा मृत्यू; पत्नी म्हणते...
7
विराट कोहली सोबत World Cup ची ट्रॉफी उंचावणाऱ्या भारतीय खेळाडूचा क्रिकेटला रामराम
8
शाही जामा मशिदीच्या सर्वेक्षणाविरोधात मशीद समितीची सर्वोच्च न्यायालयात धाव; उद्या सुनावणी
9
"घुमटात मंदिराचे अवशेष..., तळघरात आजही गर्भगृह विद्यमान"; अजमेर शरीफ दर्ग्यासंदर्भात हिंदू सेनेनं केले आहेत मोठे दावे
10
कलादिग्दर्शक नितीन चंद्रकांत देसाईंचा ND स्टुडिओ आता 'गोरेगाव फिल्मसिटी'च्या ताब्यात!
11
“भाजपा नेहमीच नवीन नेतृत्वाचा शोध घेत असते, राजस्थान-मध्य प्रदेशप्रमाणे...”: चंद्रकांत पाटील
12
"शिंदेनी मुख्यमंत्रीपदाचा दावा सोडलेला नाही", उदय सामंतांच्या विधानामुळे चर्चांना उधाण 
13
बाईकची टाकी फुल ठेवा, जास्त मायलेज मिळवा...! खरोखरच असे होते? तुम्हीही १००-२०० चेच भरता का...
14
IND vs PAK: भारताचा १३ वर्षीय वैभव सूर्यवंशी आता पाकिस्तानला चोपणार, सामना कधी?
15
पत्रकारानं थेट प्रश्न विचारला, अजित दादांनी मिश्किल उत्तर दिलं; म्हणाले, "मी काही ज्योतिष नाही..."! नेमकं काय घढलं?
16
मोठा दावा! एकनाथ शिंदे उपमुख्यमंत्री पदही स्वीकारणार नाहीत; शिंदे गटातून कोण होणार नेता...
17
बांगलादेशात 'इस्कॉन'च्या चिन्मय कृष्ण दास यांना अटक, शेख हसिना यूनुस सरकाविरोधात आक्रमक
18
भारतातील मोबाईल, फोन नंबर +91 ने का सुरु होतात? कोणी दिला हा नंबर...
19
... तर राजकारणातून निवृत्ती घेईन, शहाजीबापू पाटील यांचे मोठे विधान
20
७.८३ टक्के मतं कशी वाढली? नाना पटोलेंच्या आरोपांवर निवडणूक आयोग म्हणतं, "हे सामान्य आहे कारण..."

आरोप २४०० वाहनांच्या नोंदणीचा मात्र जळगाव आरटीओ म्हणतात १५७ वाहनांचीच नोंदणी

By लोकमत न्यूज नेटवर्क | Published: June 01, 2021 4:13 AM

लोकमत न्यूज नेटवर्क जळगाव : एप्रिल २०२० या कालावधीत जळगाव आरटीओ कार्यालयात २४०० नाही तर फक्त १५७ बीएस-४ वाहनांची ...

लोकमत न्यूज नेटवर्क

जळगाव : एप्रिल २०२० या कालावधीत जळगाव आरटीओ कार्यालयात २४०० नाही तर फक्त १५७ बीएस-४ वाहनांची नोंदणी झाल्याची माहिती उपप्रादेशिक परिवहन अधिकारी श्याम लोही यांनी ‘लोकमत’ला दिली. जळगावचे तत्कालीन वाहन निरीक्षक गजेंद्र तानाजी पाटील यांनी नाशिक येथील पंचवटी पोलीस ठाण्यात आरटीओतील कथीत भ्रष्टाचाराबाबत १४ पानांची तक्रार दिलेली आहे. मोटार वाहन निरीक्षकांच्या नियुक्त्या, पदोन्नत्या व वाहन नोंदणीतील गैरव्यवहाराचा त्यात उल्लेख केला आहे.

धुळ्याचे प्रादेशिक परिवहन अधिकारी भरत कळसकर यांनी जळगाव आरटीओ कार्यालयात एप्रिल २०२० या महिन्यात बीएस-४ ची २४०० वाहनांची नोंदणी केली व प्रत्येक वाहनामागे १२ हजार रुपये लाच स्वरूपात घेतल्याचे तक्रारीत नमूद केले आहे. यासंदर्भात जळगाव उपप्रादेशिक परिवहन अधिकारी श्याम लोही यांना विचारले असता, त्यांनी जळगाव कार्यालयातून या कालावधीत फक्त १५७ वाहनांची नोंदणी झाल्याचे सांगितले.

पोलीस उपायुक्तांना सादर केली माहिती

गजेंद्र पाटील यांची तक्रार मुळातच खोटी असून, सॉफ्टवेअरमध्ये गडबड करणे शक्यच नाही. तंत्रज्ञानामुळे संपूर्ण देशभर बसल्याजागी ही माहिती ऑनलाइन दिसते. लाॅकडाऊन सुरू होण्याच्या आधी मार्च २०२० मध्ये डीलरने १५७ वाहनांची नोंदणी केली होती, त्यानंतर एप्रिल महिन्यात लाॅकडाऊन सुरू झाला. मार्च महिन्यात विक्री झालेल्या वाहनांची नोंदणी करण्याबाबत परिवहन आयुक्तांनी आदेश दिले होते. ३० एप्रिलच्या आत या वाहनांची नोंदणी करणे बंधनकारक होते, त्यानुसार एप्रिल महिन्यात या वाहनांची नोंदणी झाली. नाशिक गुन्हे शाखेचे पोलीस उपायुक्त संजय बोरकुंड यांनी पत्र देऊन हीच माहिती विचारली होती. त्यांनाही अधिकृत माहिती देण्यात आल्याची माहिती लोही यांनी दिली.

चोपड्याच्या आमदारांनीही मागील वर्षी घेतली होती माहिती

चोपडा मतदार संघाच्या शिवसेनेच्या आमदार लता चंद्रकांत सोनवणे यांनी २३ जुलै २०२० रोजी उपप्रादेशिक परिवहन अधिकारी यांना पत्र देऊन २३ ते ३१ मार्च २०२० आणि २८ ते ३० एप्रिल यादरम्यान नोंदणी झालेल्या वाहनांची माहिती मागवली होती. आरटीओ कार्यालयाने आमदारांनाही माहिती पुरवलेली आहे. दरम्यान गजेंद्र पाटील यांनी केलेल्या तक्रारीत परिवहन मंत्री अनिल परब यांच्यावरही आरोप केलेले आहेत तर दुसरीकडे शिवसेनेच्या आमदारांनी आरटीओ कार्यालयातून गेल्या वर्षी ही माहिती घेतली होती.

गजेंद्र पाटील यांच्याविरुद्ध विनयभंगाचाही गुन्हा

गजेंद्र पाटील यांच्याविरुद्ध रावेर पोलीस ठाण्यात ३१ ऑक्टोबर २०१५ रोजी विनयभंग व ॲट्रॉसिटीचा गुन्हा दाखल झालेला आहे. पाटील त्या काळात चोरवड चेक पोस्टवर ड्युटीला होते.

कळसकर यांनी फेटाळले आरोप

प्रादेशिक परिवहन अधिकारी भरत कळसकर यांनी जळगाव आरटीओ कार्यालयातून प्रत्येकी वाहन १२ हजार रुपये घेऊन २४०० वाहनांची नोंदणी करून त्यात लाखो रुपयांचा भ्रष्टाचार केल्याचा आरोप गजेंद्र पाटील यांनी तक्रारीत केला आहे. कळसकर यांनी मात्र सोशल मीडियावर पोस्ट व्हायरल करून हा आरोप फेटाळला आहे. जळगाव कार्यालयाचे आपण नोंदणी अधिकारी किंवा अपीलीय अधिकारी नाही. अधिकाऱ्यांच्या बदल्यांचे अधिकार देखील आपणास नाहीत. आरोप करणारे अधिकाऱ्याची पार्श्वभूमी, त्यांचे वर्तन व त्यांनी यापूर्वी कुठे नोकरी केली आहे व तेथील कारकीर्द याची माहिती माध्यमांनी घ्यावी, असेही कळसकर यांनी आपल्या पोस्टमध्ये म्हटले आहे.