जळगावच्या सिमी खटल्यात आसिफ व परवेज खान यांना सक्तमजुरी

दोन्ही आरोपींना न्यायालयाने शनिवारी 10 वर्ष सक्तमजुरी व 10 हजारांचा दंड ठोठावला.

जळगाव, दि. 1-  येथील सिमी (स्टुडंट इस्लामिक मुव्हमेंट ऑफ इंडिया)च्या खटल्यात आसिफ खान बशीर खान व परवेज खान रियाजोद्दीन खान (दोन्ही रा.जळगाव) या दोन्ही आरोपींना न्यायालयाने शनिवारी 10 वर्ष सक्तमजुरी व 10 हजारांचा दंड ठोठावला.  फौजदारी कट कारस्थान 120 (ब) या कलमान्वये शुक्रवारी न्या.ए.के. पटनी यांनी या दोघांना दोषी ठरविले होते. त्यानंतर आज, शनिवारी या दोघांना सक्तमजुरीची शिक्षा ठोठावली.