लोकमत न्यूज नेटवर्क
जळगाव : भारतीय साहित्य विश्वातील सर्वोच्च संस्था असलेल्या साहित्य अकादमीची फेलोशिप ज्ञानपीठ पुरस्काराने सन्मानित झालेले डाॅ. भालचंद्र नेमाडे यांना नुकतीच जाहीर झाली. यानिमित्त परिवर्तनतर्फे शुक्रवारी जळगावात सत्कार करण्यात आला.
परिवर्तन संस्थेच्या वतीने सुप्रसिद्ध अभिनेते सयाजी शिंदे, ज्येष्ठ कादंबरीकार रंगनाथ पठारे, जैन उद्योग समुहाचे अध्यक्ष अशोक जैन यांच्या हस्ते हा सत्कार करण्यात आला.
रंगनाथ पठारे यांच्या हस्ते मानपत्र प्रदान करण्यात आले, तर सयाजी शिंदे यांनी शाल अर्पण केली, अशोक जैन यांनी नेमाडे यांना पुस्तकं भेट दिली. याप्रसंगी ज्येष्ठ लेखिका सुमती लांडे, ज्येष्ठ रंगकर्मी व परिवर्तनचे अध्यक्ष शंभू पाटील, प्रतिभा नेमाडे, जनमेजय नेमाडे, हर्षल पाटील, ओंकार पाटील, अविरत पाटील उपस्थित होते.