सर्वत्र गणेशोत्सवाचा आनंद : सार्वजनिक मंडळांसह घरोघरी झाली गणेश मूर्तीची स्थापना

जळगाव : दरवर्षीप्रमाणे जिल्हाभरात सोमवारी गणरायांचे आनंदमय वातावरणात स्वागत करण्यात आले. विविध संस्था, कार्यालये, शाळा-महाविद्यालयांमध्ये गणेशमूर्तींची स्थापना करण्यात आली. ढोल-ताशांच्या निनादात लेझीम नृत्य करीत विद्यार्थ्यांनी विद्येची देवता असलेल्या श्रीगणेशांच्या आगमनाचा आनंद लुटला. अनेकांनी पर्यावरणपूरक शाडू मातीच्या मूर्तींना प्राधान्य दिले.