मुलाच्या लग्नाच्या पत्रिका वाटप करून परत येत असताना पिता ठार

भुसावळ ते वरणगाव दरम्यानची घटना

ठळक मुद्दे के.सी. पार्क परिसरातील रहिवासीपरिसरात शोककळा

आॅनलाइन लोकमतजळगाव, दि. २९ - मुलाच्या लग्नाच्या पत्रिका वाटप करून परत येत असताना झालेल्या अपघातात पांडुरंग पोपट कोळी (६५, रा. के.सी. पार्क परिसर, कानळदा रोड) हे ठार झाल्याची घटना शनिवारी दुपारी भुसावळ ते वरणगाव दरम्यान घडली. अवघ्या १० दिवसांवर मुलगा गणेश याचे लग्न आले असताना पित्याचा मृत्यू झाल्याने के.सी. पार्क परिसरात शोककळा पसरली आहे.भगीरथ शाळेचे निवृत्त शिक्षक असलेले पांडुरंग कोळी यांचा मुलगा गणेश कोळी याचे ८ मे रोजी लग्न आहे. मुलाच्या लग्नाच्या पत्रिका वाटप करण्यासाठी पांडुरंग कोळी शनिवारी मुक्ताईनगर येथे गेले होते. परत येत असताना वरणगाव ते भुसावळ दरम्यान मालवाहू रिक्षाने त्यांच्या दुचाकीस धडक दिली व ते खाली कोसळले. तब्बल तासभर ते रस्त्यावर पडून असल्याची माहिती त्यांच्या नातेवाईकांनी दिली.अखेर या संदर्भात कोळी यांचे जावई पो.कॉ. विजय सोनवणे यांना फोन आला व ते घटनास्थळी पोहचले आणि कोळी यांना जिल्हा रुग्णालयात हलविले. मात्र डॉक्टरांनी त्यांना मृत घोषित केले.घरात लग्नाची सर्व तयारीमुलाच्या लग्नाची घरात सर्व तयारी झाली असून बस्तादेखील काढण्यात आला आहे. तसेच आवश्यक सर्व गोष्टींचे बुकिंगही झाले आहे. घरात सर्व लग्नाची तयारी सुरू असताना वर पित्यावर काळाने घाला घातल्याने संपूर्ण कुटुंबासह परिसरात शोककळा पसरली आहे.