चौकशीनंतर अंतिम निलंबनाची कारवाई

==================

भाजी बाजारामुळे वाहतुकीची कोंडी

जळगाव : गेल्या काही दिवसांपासून पिंप्राळा रस्त्यावर भाजी बाजार भरत आहे. शुक्रवारी संध्याकाळी या बाजारामुळे रस्त्यावर वाहतुकीची कोंडी झाली होती. दुसरीकडे भाजीपाला खरेदी करण्यासाठी आलेल्या नागरिकांनी अक्षरशः सोशल डिस्टन्सिंगचा फज्जा उडविला होता.

=================

विनाकारण फिरणाऱ्यांची अँटिजन चाचणी

जळगाव : विनाकारण रस्त्यावर फिरणाऱ्यांची रस्त्यावरच अँटिजन चाचणी करण्याची मोहीम सध्या पोलीस दल व आरोग्य विभागाच्या वतीने हाती घेण्यात आली आहे. या मोहिमेच्या चौथ्या दिवशी गणेश कॉलनी भागात विनाकारण फिरणाऱ्यांची अँटिजन चाचणी करण्यात आली. रात्री उशिरापर्यंत ही मोहीम सुरू होती.

=============

डॉ. बाबासाहेब आंबेडकर यांची जयंती साजरी

जळगाव : प.न. लुंकड कन्याशाळेत भारतरत्न डॉ. बाबासाहेब आंबेडकर यांची जयंती कोरोनाचे सर्व नियम पाळून साजरी करण्यात आली. कार्यक्रमाच्या प्रारंभी शाळेच्या पर्यवेक्षिका स्वाती नेवे यांनी डॉ. बाबासाहेब आंबेडकरांच्या प्रतिमेस पुष्पहार अर्पण केला. याप्रसंगी ज्येष्ठ शिक्षक साहेबराव बागूल यांनी डॉ. बाबासाहेबांच्या जीवनावर अभ्यासपूर्ण विचार मांडले.