वेगवेगळ्या घटनेत पाच जणांचा मृत्यू

जळगाव :तालुक्यातील उमाळा येथे तलावात बुडून हिरामण ओंकार बाबर (६०, रा.उमाळा) यांचा शनिवारी सकाळी मृत्यू झाला. दुसऱ्या घटनेत जगन रामा भिल (३२, रा.शिरसोली) या तरुणाचाही ४ रोज दुपारी ४ वाजता शिरसोली येथे जळके फाट्याजवळ मृत्यू झाला. त्याचे कारण समजू शकले नाही. याच जागेवर ३ रोजी सायंकाळी ५.३० वाजता तिफायत बशीर पिंजारी (५८) यांचा रस्ता अपघातात मृत्यू झाला होता. राजू हरी डुलसुधीर (५७, रा.पहूर, ता.जामनेर) यांचा ४ रोजी दुपारी ३.३० वाजता खासगी रुग्णालयात मृत्यू झाला. वसंत रघुनाथ वाघ (७६, रा.रामेश्वर कॉलनी) यांचाही ४ रोजी दुपारी अडीच वाजता मृत्यू झाला. त्यांच्या मृत्यूचे कारण समजू शकलेले नाही. या सर्व घटनांची एमआयडीसी पोलिस ठाण्यात अकस्मात मृत्यूची नोंद करण्यात आली आहे.