जळगाव -सातपुड्यातील वाघझिरा लंगडाआंबा रोडवरील थोरपाणी येथील एकाच कुटुंबातील नानसिंग गुना पावरा वय 28 वर्षे सोनाबाई नानसिंग पावरा वय 22 वर्षे रतीलाल नानसिंग पावरा वय 3 वर्ष बाली नानसिंग पावरा वय 2 वर्ष हे चौघे काल रात्री झालेल्या वादळी पावसामुळे घराचे छप्पर अंगावर पडून त्याखाली गुदमरून मयत झाले.
त्यातील कुटुंबातील मोठा मुलगा शांतीलाल नानसिंग पावरा वय 8 वर्ष हा बचावला आहे. मयतांचे मृतदेह सामान्य रुग्णालय यावल येथे नेण्यात आले आहे व जखमी शांतीलाल पावरा याला उपचारासाठी यावल येथे नेण्यात आले आहे.