ऑनलाईन लोकमत
जळगाव, दि.13 - येथील जैन इरिगेशन सिस्टीमच्या फळप्रक्रिया विभागास 2014-15 आणि 2015-16 या आर्थिक वर्षात गुणवत्ता व नियार्तीमध्ये सर्वोच्च कामगिरी केल्याबद्दल ‘अपेडा’ तर्फे गोल्डन ट्रॉफी आणि प्रमाणपत्र देऊन गौरविण्यात आले. 12 जून रोजी दिल्ली येथील विज्ञान भवनात केंद्रीय वाणिज्य सचिव रिता तिओतीया यांच्याहस्ते जैन फार्म फ्रेश फुडस् लिमिटेडचे संचालक अथांग जैन व व्हाईस प्रेसिडेंट, (सेल्स अॅण्ड माकेर्टींग) रोशन शाह यांनी हा सन्मान स्वीकारला.
भारत सरकारच्या वाणिज्य मंत्रालयांतर्गत कार्य करणा:या ‘अॅग्रिकल्चरल अॅण्ड प्रोसेस फूड प्रॉडक्ट एक्स्पोर्ट डेव्हलपमेंट अॅथॉरिटी म्हणजेच ‘अपेडा या संस्थेतर्फे देशभरातील कृषी उत्पादने, प्रक्रिया उद्योग क्षेत्रातील जास्तीत जास्त निर्यात आणि चांगल्या गुणवत्तेबद्दल विशेष कामगिरी करणा:या फळ प्रक्रिया आणि अन्य प्रक्रिया उद्योगांना दरवर्षी प्रोत्साहनपर पुरस्कार प्रदान करण्यात येतो. या पुरस्काराच्या रुपाने जैन इरिगेशन लिमिटेडचा सलग 15 वेळा अपेडातर्फे गौरव झाला.