जळगाव येथे दोन लाख रोख व एक लाखाची दारु पकडली

रामानंदनगर पोलिसांची कारवाई

ठळक मुद्देसमता नगरात पोलिसांची धाड गुन्हा दाखल

आॅनलाइन लोकमतजळगाव, दि. ४ - समता नगरात सुरु असलेल्या जुगार व दारु अड्ड्यावर रामानंद नगर पोलिसांनी शुक्रवारी धाड टाकली. त्यात सव्वा लाखाची रोकड व एक लाख रुपये किमतीची दारु हस्तगत केली. यात दोन जणांना अटक करण्यात आली असून त्यांच्याविरुध्द गुन्हा दाखल करण्यात आला आहे.समता नगरात दिलीप सोनू सपकाळे यांच्या घरात पत्याचा जुगार अड्डा व दारु अड्डा सुरु असल्याची माहिती पोलीस निरीक्षक बी.जी.रोहोम यांना मिळाली होती. त्यानुसार रोहोम यांनी उपनिरीक्षक रोहीदास ठांबरे व गुन्हे शोध पथकाला कारवाईबाबत सूचना केल्या होत्या. या पथकाने शुक्रवारी धाड टाकली असता जुगार खेळणारे पळून गेले. घटनास्थळावर मात्र दोन लाख रुपये रोख, जुगाराचे साहित्य तसेच एक लाख २ हजार रुपयांची देशी, विदेशी दारु आढळून आली. ही रोकड व साहित्य पोलिसांनी जप्त केले. जुगार मालक दिलीप सोनू सपकाळे व अंजनाबाई दिलीप सपकाळे यांना अटक करण्यात आली.