महिलेच्या मोबाईलवर पाठविले अश्लिल व्हिडीओ

जळगाव : बहिणीला भेटण्यासाठी गेलेल्या एका ३६ वर्षीय महिलेला तिच्या घरी असताना अनोळखी व्यक्तीने मोबाईलवर अश्लील संदेश, फोटो व व्हिडीओ पाठविल्याची घटना मंगळवारी दुपारी तीन वाजता जुना खेडी रोड भागात घडली. याप्रकरणी पीडित महिलेने शनी पेठ पोलीस ठाणे गाठून माहिती दिली. ज्या क्रमांकावरुन अश्लील फोटो व व्हिडीओ आले तो क्रमांक पोलिसांना देण्यात आला आहे. याप्रकरणी अज्ञात व्यक्तिविरुध्द विनयभंगाचा गुन्हा दाखल करण्यात आला आहे. तपास महिला उपनिरीक्षक यशोदा कणसे करीत आहेत.