शाम जाधव, चोपडा (जि.जळगाव) : बसचालकाचा ताबा सुटल्याने बस सरळ शेतात जावून थांबली. बसमध्ये प्रवासी होते, शेतातील मातीत टायर फसून बस थांबल्याने सुदैवाने कोणतीही जिवित हानी झाली नाही. ही घटना गुरुवारी सकाळी ९:३० वाजता चोपडा - कुरवेल रस्त्यावर घडली.
चोपडा आगाराची क्र. एम.एच.१४ बी.टी.१३२४ ही बस कुरवेल येथे जात असताना हा अपघात घडला. शेतात काम करणाऱ्या व रस्त्यावरून जाणाऱ्या लोकांनी घटनास्थळी थांबत मदतकार्य सुरू केले. यासंदर्भात चोपडा आगार व्यवस्थापक महेंद्र पाटील यांनी सांगितले की, चालकाचा वाहनावरील ताबा सुटल्याने हा अपघात झाला.