भुसावळ, जि. जळगाव : भुसावळ येथे रेल्वे यार्डात मालगाडीचा डबा रुळावरून घसरल्याची घटना शुक्रवारी सकाळी १०.३० वाजेच्या सुमारास घडली. यामुळे मात्र वाहतुकीवर परिणाम झालेला नाही.भुसावळ येथून रिकामे डबे असलेली मालगाडी नाशिककडे जात असताना क्रॉसिंगवर एक डबा रुळावरून घसरला. त्यात या डब्याचे चाकही निखळले.सुदैवाने प्रवासी रेल्वे गाड्या जाणाऱ्या मार्गावर ही घटना न होता यार्डात झाल्याने वाहतुकीवर परिणाम झाला नाही.
भुसावळ येथे रेल्वे यार्डात मालगाडीचा डबा रुळावरून घसरला
By लोकमत न्यूज नेटवर्क | Published: July 12, 2019 12:59 PM