वाकोदकरांच्या माणुसकी धर्माचा जागर

जोशी कुटुंबाला दशक्रिया विधीसाठी मदत

ठळक मुद्देजोशी कुटुंबाला दशक्रिया विधीसाठी केली मदतवाकोदकरांनी केले 11 हजारांचे निधी संकलनमदतीमुळे विद्या जोशी यांना मिळाला धीर

ऑनलाईन लोकमत वाकोद ता. जामनेर,दि.9 - अत्यंत गरीब कुटुंबातील व वाकोदसह परिसरातील भटजी व ज्योतिष काम करीत असलेले संजय वसंत जोशी यांच्या दशक्रिया विधीसाठी संपूर्ण गावाने आर्थिक मदत करीत माणुसकी धर्माचा जागर केला. संजय जोशी यांचे 29 जुलै रोजी आजाराने निधन झाले होते. रीतीरीवाजानुसार भुसावळ येथे तापी नदीवर जावून अंत्यविधीच्या पश्चात करण्यात येणा:या धार्मिक संस्कारांची रीत असल्याने व घरची परिस्थिती पाहता गरिबीची असल्याने संजय जोशी यांची प}ी विद्या यांच्यासमोरे मोठे संकट निर्माण झाले होते. मात्र त्यांच्यावरील संकट पाहता वाकोद येथील काही सुज्ञ नागरिक जोशी कुटुंबियांच्या मदतीसाठी सरसवाले व वाकोद गावातून वर्गणी जमा करुन सुमारे रोख 11 हजार रुपयांची आर्थिक मदत या कुटुंबाला करुन पवित्र कार्य केले. आधीच पतीचा एकमेव आधार असलेल्या विद्या जोशी यांच्यावर मोठे संकट होते. एक मुलगी असून तिचे लग्न झालेले आहे तर एक मुलगा असून तोही लहान असल्याने कमाईचे कोणतेच साधन नसल्याने उत्तरकार्याचे कसे होईल ही चिंता त्यांना सतावत होती. त्यातच ग्रामस्थांनी मदतीचा हात दिल्याने विद्या जोशी यांना मोठा धीर मिळाला. डॉ. शंकर चौधरी, भगवान आस्कर, संजय खराट, रमेश कुमावत, नंदू जोशी यांनी गावात फिरून पैसे जमा करून एकूण 11 हजार रुपये रोख रक्कम विद्या जोशी यांना दिली.