पोहायला गेलेल्या तरूणाचा मेहरूण तलावात बुडून मृत्यू

जळगाव : मित्रांसोबत पोहण्यासाठी गेलेल्या तरूणाचा शहरातील मेहरूण तलावात बुडून मृत्यू झाल्याची घटना सोमवारी सायंकाळी ६ वाजेच्या सुमारास घडली. अभिषेक नंदलाल मौर्या (२८, रा़ मंगलपूरी महाराज नगर, रामेश्वर कॉलनी) असे मयताचे नाव आहे. याबाबत एमआयडीसी पोलीस ठाण्यात अकस्मात मृत्यूची नोंद करण्यात आलेली आहे.अभिषेक मौर्या हा रामेश्वर कॉलनीतील मंगलपूरी महाराज नगरात पत्नी, मुलगा आणि मुलीसह वास्तव्यास होता़.शहरातील भारत गॅस येथे कंत्राटी पध्दतीने काम करून कुटुंबीयांचा उदरनिर्वाह करायचा. सोमवारी सायंकाळी अभिषेक हा तीन मित्रांसोबत मेहरूण तलाव येथे पोहण्यासाठी गेला होता. तलावात पोहत असताना अचानक तो बुडायला लागला. हा प्रकार कळताच मित्रांनी त्यांना वाचविण्याचा प्रयत्न केला़ परंतु, त्याला वाचविण्यात अपयश आले़ काहीवेळानंतर अभिषेक याचा बुडून मृत्यू झाला.पोलिसांनी घटनास्थळी धावमेहरूण तलावात तरूणाचा बुडून मृत्यू झाल्याची माहिती कळताच एमआयडीसी पोलीस ठाण्यात सहाय्यक फौजदार अतुल वंजारी, इम्रान सैय्यद, आसीम तडवी, सचिन पाटील आदींनी घटनास्थळी धाव घेतली. त्यानंतर पोलिसांनी राजेंद्र शेजवळ, सलमान खान युसूफ खान, किरण नाईक, भूषण तायडे, रामदास भोस, नीलेश पाटील या पट्टीच्या पोहणाऱ्यांच्या मदतीने शोधकार्य सुरू केले़ काही वेळानंतर मृतदेह आढळला. त्यानंतर तो बाहेर काढण्यात आला.बघ्यांची गर्दीतरूणाचा बुडून मृत्यू झाल्याची वार्ता वाºयासारखी पसरली आणि घटनास्थळी बघ्यांची चांगलीच गर्दी जमली़ दरम्यान, मृतदेह बाहेर काढल्यानंतर शवविच्छेदनासाठी जिल्हा रूग्णालयात हलविण्यात आला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.