सावदे येथे तरुणाचा विहीरीत पडून मृत्यू

सासरवाडीत घडली घटना

भङगाव : तालुक्यातील सावदे शिवारातील शेतातील विहीरीत पडून पाण्यात बुडल्याने ३५ वर्षीय तरुणाचा मृत्यू झाला. ही घटना १९ रोजी सावदे शिवारात सकाळी १० वाजेपुर्वी घडली. सदर तरुण सासरी आला असता ही घटना घडली असून याबाबत सर्वत्र हळहळ व्यक्त होत आहे. जयसिंग लुका परदेशी (वय ३५, रा. बाणगाव ता. चाळीसगाव) असे या तरुणाचे नावा असून याप्रकरणी भडगाव पोलीस स्टेशनला हिरालाल राजपुत रा. सावदे यांनी दिलेल्या खबरीवरुन अकस्मात मृत्युची नोंद करण्यात आली आहे. पुढील तपास पोलीस नाईक नितीन सोनवणे हे करीत आहे. घटनास्थळी सहाय्यक पोलीस निरीक्षक रविंद्र जाधव, पोलीस हेड कॉन्सटेबल राजेंद्र साळुंखे, पोलीस कॉन्सटेबल हरीष अहिरे, पोलीस पाटील शिवाजी पाटील यांचेसह नागरीक, व नातेवाईकांची उपस्थिती दिसून आली. भडगाव ग्रामीण रुग्णालयात सायंकाळी ६.४५ वाजेच्या सुमारास शवविच्छेदन करण्यात आले. यावेळी वैदयकीय अधिकारी डॉ. साहेबराव अहीरे व कर्मचारी हजर होते. मयतावर बाणगाव ता. चाळीसगाव येथे सायंकाळी अंत्यसंस्कार करण्यात आले. त्याच्या पश्चात आई, पत्नी, २ भाउ, १ मुलगा, १ मुलगी असा परीवार आहे.