Undergarments Fence: जगात एकापेक्षा एक आणि अजब ठिकाणं आहेत. काही अजब ठिकाणं निसर्गाने तयार केली तर काही ठिकाणं लोकांनी अजब बनवली. मनुष्यांनी तयार केलेल्या काही ठिकाणांबाबत काही मान्यता असतात ज्याबाबत वाचून तुम्ही हैराण व्हाल. आज आम्ही तुम्हाला एका अशाच ठिकाणाबाबत सांगणार आहोत. न्यूझीलॅंड हा सुंदर देश म्हणून जगात फेमस आहे. या देशात एक असं ठिकाण आहे ज्याबाबत कदाचित तुम्हाला माहीत नसेल. न्यूझीलॅंडमध्ये Central Otago cardona नावाचं एक ठिकाण आहे जिथे आपली इच्छा किंवा स्वप्न पूर्ण व्हावी म्हणून तरूणी ब्रा काढून टांगतात.
न्यूझीलॅंडमधील हे ठिकाण एक टुरिस्ट प्लेस आहे. इथे तुम्हाला एका मोकळ्या ठिकाणी दोरीवर हजारोच्या संख्येने ब्रा टांगलेले दिसतील. इथे एक मान्यता आहे की, तरूणी जर इथे त्यांची ब्रा टांगत असेल तर त्यांना मनासारखा जोडीदार मिळतो. इथे पहिल्यांदा कोण ब्रा टांगून गेलं होतं याबाबत काही माहिती नाही. पण असं सांगितलं जातं की, 1999 मध्ये इथे पहिल्यांदा 4 ब्रा टांगलेल्या होत्या. इथे येणाऱ्या तरूणी नेहमीच असं करतात. त्यामुळे बघता बघता हे ठिकाण जगभरात प्रसिद्ध झालं. आजही अनेक तरूणी इथे आपली इच्छा पूर्ण करण्यासाठी येतात.
ही नवस बोलण्याची पद्धत मुळात हैराण करणारी आहे. पण त्यानंतर इथे असं काही घडलं जे हैराण करणारं आहे. काही महिन्यांआधी इथे टांगलेल्या ब्रा चोरांनी चोरी करणं सुरू केलं होतं. अनेकदा रात्री इथून ब्रा ची चोरीही झाली आहे. चोरांमुळे हे ठिकाण आणखी जास्त फेमस झालं. असं म्हणतात की, न्यूझीलॅंडमध्ये जेही फिरायला जातात ते इथे आवर्जून भेट देतात.