उत्तर प्रदेशच्या फिरोजाबादमध्ये लग्नाच्या दोन दिवसांनंतर पती-पत्नीचं नातं तुटलं. पत्नीने पतीसोबत राहण्यास साफ नकार दिला. कुटुंबियांनी तिला खूप समजावण्याचा प्रयत्न केला. पण पण तिने ऐकलं नाही. शेवटी सासरच्या लोकांना सगळ्या वस्तू परत कराव्या लागल्या.
फिरोजाबादमध्ये राहणाऱ्या नलकूप ऑपरेटरचे एका तरूणीसोबत प्रेमसंबंध होते. त्याने तिला 4 वर्ष दगा दिला. तरूण नेहमीच तिला लग्नाचं आश्वासन देत होता. पण त्याने लग्न केलं नाही. यादरम्यान 26 नोव्हेंबरला त्याने नगला मदारी गावातील एका दुसऱ्या तरूणीसोबत लग्न केलं. 28 नोव्हेंबरला जेव्हा याची सूचना नवरदेवाच्या प्रेयसीला मिळाली तर ती संतापली. तिने प्रियकरावर दगा देऊन दुसरं लग्न करण्याचा आरोप लावला.
लग्नानंतर नवरी जेव्हा तिच्या माहेरी नगला मदारीला आली तेव्हा तिथे नवरदेवाची प्रेयसी सुद्धा पोहोचली. इथे तिने चांगलाच गोंधळ घातला. तिने नवरीच्या नातेवाईकांना सगळे पुरावे दाखवत प्रकरण सांगितलं. ज्याबाबत समजल्यावर नवरीला धक्का बसला. तिला या गोष्टीचं खूप वाईट वाटलं की, ज्या व्यक्तीसोबत तिने दोन दिवसांआधी लग्न केलं त्याने तिला इतका मोठा दगा दिला. अशात नवरीने निर्णय घेतला की, ती या व्यक्तीसोबत तिचं पुढचं आयुष्य जगणार नाही.
या घटनेनंतर जेव्हा नवरदेव आपल्या पत्नीला घेण्यासाठी तिच्या घरी आला तेव्हा तिने त्याच्यासोबत जाण्यास नकार दिला. दोन्हीकडील लोकांनी दोघांना समजावून सांगण्याचा प्रयत्न केला. पण कोणत्याही स्थितीत नवरी त्याच्यासोबत जाण्यास तयार झाली नाही आणि हे लग्न मोडलं. नवरदेवाकडील लोकांनी 5 लाख रूपये हुंडा आणि इतर वस्तू परत केल्या. या घटनेबाबत पोलिसात कुणीही तक्रार दाखल केली नाही.