Viral Video: बाबो! घोडी नाही तर गाढवावरून काढली नवरदेवाची वरात, नातेवाईकांचा कल्ला डान्स....

Viral Video : नवरदेव गाढवावर मस्त बसलाय आणि त्याचे नातेवाईक डान्स करत आहेत. यादरम्यान एक महिला आकाशाकडे नोटा भिरकावताना सुद्धा दिसत आहे. 

मध्य प्रदेशच्या देवास जिल्ह्यातील एक अजब व्हिडीओ व्हायरल झाला आहे. इथे एका नवरदेवाला घोडी मिळाली नाही म्हणून त्याची वरात गाढवावरून काढण्यात आली. या व्हायरल झालेल्या व्हिडीओ तुम्ही बघू शकता की, नवरदेव गाढवावर मस्त बसलाय आणि त्याचे नातेवाईक डान्स करत आहेत. यादरम्यान एक महिला आकाशाकडे नोटा भिरकावताना सुद्धा दिसत आहे. 

ही घटना देवास जिल्ह्यातील करोंदिया गावातील आहे. देवासपासून साधारण ८० किमीवर हे गाव आहे. हा व्हिडीओ सोशल मीडियावर व्हायरल झाला असून लोकांनी यावर कमेंटचा पाऊस पाडला आहे. काहींनी लिहिले की, घोडी मिळाली नाही तर गाढवावर बसून आपलं काम भागवलं. तसेच अशीही माहिती मिळत आहे की, या गावातील नवरदेव नवरीला आणायला गाढवावर बसूनच जातो. या गावाची तशी परंपराच आहे. (हे पण वाचा : क्या बात! काठ्यांच्या मदतीने नवरी-नवरदेवाने एकमेकांच्या गळ्यात घातले हार, सोशल मीडियातून प्रशंसा...)

दरम्यान देवासमध्ये कोरोनाचं संक्रमण वेगाने पसरत आहे. इथे कर्फ्यू लावण्यात आला असून लग्नासाठी केवळ १० सदस्यांनाच उपस्थित राहण्याची परवानगी देण्यात आली आहे. मात्र, लोक काही ऐकत नाहीयेत. हा व्हिडीओ कधीचा आहे हे स्पष्ट होऊ शकलं नाही. मात्र, व्हिडीओमुळे लोकांचं जबरदस्त मनोरंजन होत आहे.

रायसेनमधील घटनेची चर्चा

रायसेनचा एक व्हिडीओ व्हायरल झाला होता. मध्य प्रदेशच्या सिलवानीची ही घटना आहे. कोरोना कर्फ्यूच उल्लंघन केल्याप्रकरणी चालान कापण्यासाठी गेलेल्या मुख्य नगर परिषद अधिकाऱ्याने एका ठेलेवाल्याला कानशीलात लगावली होती. इतकंच नाही तर त्यांनी नगर पालिकेच्या कर्मचाऱ्यांनाही मारहाण केल्याचा आरोप आहे.