Pakistan Election 2024: पाकिस्तानमध्ये फेब्रुवारी 8 ला निवडणुका होणार आहेत. निवडणुकीची तयारी जोरदार सुरू आहे. अशात पाकिस्तानातील निवडणुकींच्या बहाण्याने आज आम्ही तुम्हाला येथील चर्चेत असलेली महिला नेता हिना रब्बानी खार बाबत सांगणार आहोत. हिना रब्बानी खार पाकिस्तानात शहबाज शरीफ कॅबिनेटमध्ये आसिफ अली झरदारीच्या पाकिस्तान पीपुल्स पार्टी (PPP) कडून परराष्ट्र राज्यमंत्री आहे. 46 वर्षीय हिना रब्बानी खारला ब्युटी विथ ब्रेन म्हटलं जातं. श्रीमंत जमीनदार परिवारातन आलेली हिना 2011 मध्ये पाकिस्तानातील सगळ्यात तरूण आणि पहिली महिला परराष्ट्र मंत्री बनली होती. त्यावेळी तिने 2 भारत दौरेही केले होते. मीडियाने तिला चांगलंच हैराण केलं होतं.
तशी तर हिना सौम्य स्वभावाची नेता मानली जाते. पण अनेकदा ती असे प्रश्न विचारते की, विरोधकांकडे उत्तरच नसतं. 2 वर्षाआधी इमरान खान यांचे परराष्ट्र मंत्री राहिलेले शाह महमूद कुरैशीला हिनाने असाच प्रश्न विचारला होता तेव्हा ते हैराण झाले होते. आम्ही तुम्हाला हिनाच्या पर्सनल आणि प्रोफेशनल लाइफसंबंधी गोष्टी सांगणार आहोत. ज्याबाबत फार कमी लोकांना माहीत असेल.
जमीनदार परिवारातील हिना
हिना रब्बानी खार तेव्हा चर्चेत आली होती जेव्हा ती पाकिस्तानची परराष्ट्र मंत्री बनली होती. हिना तिच्या परिवारातून राजकारणात येणार एकटी नाही. जमीनदार परिवारातील हिनाने 2002 मध्ये मॅसाचुसेट्स यूनिवर्सिटीतून फॉरेन रिलेशन आणि लॅंग्वेजमधून मास्टर डिग्री मिळवली. त्यानंतर तिने प्रोफेसर म्हणूनही काही दिवस काम केलं. हिनाचे वडील गुलाम नूर रब्बानी हे सुद्धा पाकिस्तानातील नेता आहेत.
बिलावलसोबत अफेअरची चर्चा
हिना रब्बानी खार दोन मुलांची आई आहे. वैवाहिक जीवन चांगलं सुरू आहे. पण एका बांग्लादेशी वृत्तपत्राने बिलावल भुट्टो आणि हिना रब्बानी खारच्या अफेअरची बातमी झापली होती. यावेळी असाही दावा करण्यात आला होता की, हिना आणि बिलावल यांच्या अफेअरचे पुरावे आसिफ अली झरदारी यांच्याकडे आहेत.
आसिफ या नात्यामुळे नाराज होते. कारण बिलावल हिना रब्बानीपेक्षा 10 वर्षाने लहान होता. इतकंच नाही तर असाही दावा केला होता की, बिलावलच्या बहिणीही या नात्याने नाराज होत्या. नंतर PPP ने याबाबत एक प्रेस कॉन्फ्रेंस केली आणि ही घटना खोटी असल्याचं सांगितलं. हिनाच्या पतीनेही ही बातमी खोटी असल्याचं सांगितलं.
लग्झरी लाइफस्टाइल जगते हिना
हिना रब्बानी आपल्या लक्झरी लाइफस्टाईलसाठीही ओळखली जाते. महागड्या बॅग्स, ज्वेलरी, शूजमुळे ती चर्चेत असते. ती 5 ते 8 लाख रूपये किंमतीच्या बॅग वापरते. तेच लिपस्टीक 27 हजार रूपयांचं असतं. तसेच तिच्याकडे अनेक महागड्या लक्झरी कारचं कलेक्शनही आहे.