Husband Cheated Wife: पती-पत्नीचं नातं हे विश्वासावर अवलंबून असतं. जर एकानेही दगा केला तर नातं तुटण्याला वेळ लागत नाही. जर काही कारणाने ते वेगळे झाले नाही तरी त्यांच्यात काहीच चांगलं नसतं. असंच एका महिलेसोबत झालं, जेव्हा तिच्या पतीने तिला दगा देऊन तिच्या बहिणीसोबत नातं जोडलं.
मिररच्या रिपोर्टनुसार, महिलेने तिच्यासोबत घडलेल्या या घटनेबाबत सोशल मीडियावर पोस्ट केली आहे. तिला वाटत होतं की, तिचा पती तिची खूप काळजी घेतो आणि त्याच्यापेक्षा कुणी चांगलं असू शकत नाही. पण अशात तिला जेव्हा पतीच्या दग्याबाबत समजलं तर तिला विश्वास बसला नाही. कारण पती खूप चांगला वागत होता.
रेडिटवर महिलेने तिची कहामी सांगितली. ती म्हणाली की, तिच्या पतीने तिला दगा देत तिच्या बहिणीसोबत नातं कायम ठेवलं. हे त्याने तिच्यापासून तेव्हापर्यंत लपवून ठेवलं जोपर्यंत बहीण प्रेग्नेंट झाली. महिलेने सांगितलं की, पतीने तिला माफी मागत सांगितलं की, त्याने मेहुणीसोबत रिलेशनशिप तर ठेवलंच, सोबतच ती आता जुळ्या मुलांची आई होणार आहे. महिलेला हे ऐकून धक्का बसला. कारण ती स्वत: प्रेग्नेंट होती.
महिलेने सांगितलं की, तिचा पती तिच्यावर खूप प्रेम करत होता आणि महागडे महागडे गिफ्टही देत होता. महिला म्हणाली की, पती कदाचित तिला घटस्फोट देऊन तिच्या बहिणीसोबत नवीन आयुष्याला सुरूवात करणार होता. पण त्याला समजलं की, मी प्रेग्नेंट आहे तर त्याने असं केलं नाही. महिलाही त्याला आर्थिक सुरेक्षेमुळे सोडणार नव्हती. तिच्या जीवनात फर्टिलिटी इश्यूशिवाय सगळं काही ठीक सुरू होतं. ते व्हायच्या आधीच पतीने वेगळा कारनामा केला. आता लोक तिला घटस्फोट घेण्याचा सल्ला देत आहेत.