Bihar : बिहारच्या भागलपूरच्या नाथनगर प्रेम प्रकरणाची एक अजब घटना समोर आली आहे. इथे दोन मुलांची आई असलेली महिला शेजारच्या तरूणाच्या प्रेमात पडली. भतोडिया गावात राहणारा नंदकिशोर मंडलचं लग्न 7 वर्षाआधी प्रियंका कुमारीसोबत झालं होतं. लग्नाच्या काही वर्षानंतर प्रियंका शेजारी राहणारा मृत्यूंजय कुमारच्या प्रेमात पडली. दोघेही लपून एकमेकांना भेटू लागले होते.
प्रियंकाचा पती नंदकिशोर मंडल जेव्हा घरी राहत नव्हता तेव्हा प्रियंका तिचा प्रियकर मृत्यूंजयला घरी बोलवत होती. प्रियंका आणि मृत्यूंजयमध्ये सुरू असलेल्या प्रेम प्रकरणाची खरब नंदकिशोरला लागली होती. पतीने खू समजावल्यावरही प्रियंका मृत्यूंजयला भेटत होती. मग एक दिवस पती नंदकिशोरने पत्नी आणि तिच्या प्रियकराला आक्षेपार्ह स्थितीत पकडलं.
याची सूचना मृत्यूंजयच्या कुटुंबाला दिली. याबाबत गावात पंचायत बोलवण्यात आली. यावेळी पती, पत्नी आणि प्रियकराला बोलवण्यात आलं. या पंचायतमध्ये पती नंदकिशोरने पत्नीला आपल्यासोबत ठेवण्यास साफ नकार दिला. तर प्रियंकाने प्रियकर मृत्यूंजयसोबत राहण्याची इच्छा व्यक्त केली. पंचायतमध्ये ठरलं की, प्रियंका आता तिच्या प्रियकरासोबत राहील. पण प्रियंकाच्या प्रियकराने यावेळी माघार घेतली. त्याने तिला सोबत ठेवण्यास नकार दिला.
या अजब प्रेमी कहाणीचा निर्णय जेव्हा पंचायतमध्ये होऊ शकला नाही तेव्हा पोलिसांना बोलवण्यात आलं. पंचायतने तिघांनाही पोलिसांच्या हवाली केलं. आता पोलीस यावर काय ते ठरवतील. प्रियंका दोन मुलांची आई आहे आणि तिचा पती नंदकिशोर मंडल शेतकरी आहे.