आयुष्यात कुणासोबत कधी काय घडेल याचा काहीच भरवसा नसतो. चालत्या-फिरत्या व्यक्तीवरही एखादं मोठं संकट अचानक येऊ शकतं. असंच काहीसं अमेरिकेतील एका व्यक्तीसोबत झालं. इथे एका फाईव्ह स्टार हॉटेलमध्ये थांबलेल्या व्यक्तीच्या गुप्तांगावर विंचवाने चावा घेतला. ज्यामुळे त्याचं वैवाहिक जीवन अडचणीत आलं आहे. आता या व्यक्तीने हॉलेट विरोधात केस दाखल केली आहे.
मायकल फार्ची असं या व्यक्तीचं नाव आहे. त्याचा आरोप आहे की, डिसेंबर २०२३ मध्ये तो अमेरिकेच्या लास वेगासमधील हॉटेल वेनेशिअन रिझॉर्टमध्ये थांबला होता. अचानक त्याच्या गुप्तांगामध्ये वेदना झाली. ज्यामुळे तो झोपेतून जागा झाला. तेव्हा त्याला विंचू दिसला आणि हा विंचू त्याच्या गुप्तांगावर सतत दंश मारत होता.
एका इंग्रजी वेबसाईटच्या वृत्तानुसार, ६२ वर्षीय मायकलने दावा केला आहे की, लास वेगासमधील हॉटेल वेनेशिअन रिझॉर्टने रूममधील कीटक व्यवस्थित बाहेर काढले नव्हते. फार्चीचा दावा आहे की, या घटनेनंतर त्याना पोस्ट-ट्रॉमेटिक स्ट्रेस डिसऑर्डर आणि इमोशनल ट्रॉमाचा सामना करावा लागला. फार्चीच्या पत्नीने आरोप केला की, विंचवाने गुप्तांगावर दंश मारल्याने त्यांचं वैवाहिक जीवन प्रभावित झालं आहे.
तेच वकिलांनी सांगितलं की, याप्रकरणी फार्चीने आरोप केला आहे की, विंचवाच्या दंशामुळे त्याना आता शारीरिक संबंध ठेवण्यास अडचण येत आहे. वकील ब्रायन विराग म्हणाले की, "याने काहीच फरक पडत नाही की, विंचू तिथे कसा पोहोचला. मला वाटतं हॉटेलला आधीच याबाबत माहिती होती. जेव्हा ही घटना घडली तेव्हा तिथे काहीतरी बांधकाम सुरू होतं. फार्चीने सांगितलं की, जेव्हा त्याने या घटनेची माहिती कर्मचाऱ्यांना दिली तेव्हा ते त्याची खिल्ली उडवत होते.
या घटनेनंतर फार्ची याना हॉस्पिटलमध्ये दाखल करण्यात आलं. इथे त्यांच्यावर उपचार करण्यात आलेत. ज्यानंतर त्याना आराम मिळाला. कथितपणे पुष्टी करण्यात आली आहे की, विंचवाच्या चाव्यामुळे फार्चीला शारीरिक इजा आणि प्रायव्हेट पार्टमध्ये इरेक्शनची समस्या झाली.