US Crime News : अमेरिकेतील एक व्यक्ती आपली बंदूक साफ करत होती. तेव्हाच चुकीने गोळी झाडली गेली आणि ती त्याच्या पत्नीला लागली. हे बघून त्या व्यक्तीने स्वत:वर गोळी झाडून घेतली. न्यूयॉर्क पोस्टनुसार, ही घटना गेल्या आठवड्यातील 15 जुलैला शिकागोमध्ये घडली. 61 वर्षीय शिमोन हेंड्रिकसन घरात बसून आपली एक बंदूक साफ करत होते, तेव्हाच बंदुकीतून गोळी निघाली आणि त्यांची 60 वर्षीय पत्नी लॉरी हेंड्रिकसनला लागली.
आउटलेटनुसार, पोलिसांनी सांगितलं की, 'शिमोन हेंड्रिकसनने त्याच बंदुकीने स्वत:वर गोळी झाडून घेत आपला जीव दिला आणि घटनास्थळीच त्याला मृत घोषित करण्यात आलं'.
People च्या वृत्तानुसार, पोलिसांना एका व्यक्तीकडून सूचना मिळाली आणि पोलीस घटनास्थळी पोहोचले. ते पोहोचले तेव्हा त्यांना एक पुरूष आणि महिलेचा मृतदेह आढळून आला. पोलिसांना आढळलं की, बंदुकीतून दोन गोळ्या झाडण्यात आल्या.
पोलिसांनी सांगितलं की, शिमोनला घटनास्थळीच मृत घोषित करण्यात आलं. त्याच्या पत्नीला जवळच्या हॉस्पिटलमध्ये नेण्यात आलं. तिथे तिला मृत घोषित करण्यात आलं. त्यांच्या मुलाने त्यांना गमावल्याची एक पोस्ट सोशल मीडियावर शेअर केली होती. डेरेक हेंड्रिकसनने लिहिलं की, 'त्या दोघांवर बरेच लोक प्रेम करत होते आणि त्यांचा सन्मान कर त होते. ते सगळ्यात महान आई-वडील होते, जे सगळ्यांना हवे होते'.