खरं प्रेम सगळ्यांनाच मिळतं असं नाही. तरीही जगात असे अनेक लोक असतात जे या आशेवर जीवन जगत असतात की, त्यांना कधीना कधी खरं प्रेम मिळेल. असंच काहीसं 55 वर्षीय घटस्फोटीत आणि सिंगर मदर असलेल्या फ्रानबाबत आहे. फ्रानने खुलासा केला की, संसार थाटण्याचं प्लानिंग करताना 400 पेक्षा जास्त पुरूषांचे लग्नाचे प्रस्ताव येऊनही ती अजूनही एकटी आहे.
फ्रान गेल्या काही महिन्यांपासून तिच्यासाठी मिस्टर परफेक्टचा शोध घेत आहे. ज्यासाठी ती ऑनलाईन डेटिंग साइट्सची मदत घेत होती. पण त्यावर तिला काही हाती लागलं नाही. फ्रानबाबत अवाक् करणारं हे होतं की, तिला 18 ते 21 वयाच्या तरूणांनीही संपर्क केला होता. ज्यांना मोठ्या वयाच्या महिलांसोबत संबंध ठेवायचे होते.
तेच ज्या लोकांनी तिच्यासोबत लग्नाबाबत चर्चा केली त्यातील जास्तीत जास्त वयोवृद्ध आणि जास्त वयाचे लोक होते. डेली स्टारला आपल्याबाबत सांगताना फ्रानने आपलं मन मोकळं केलं.
ती म्हणाली की, 'मला लग्नासाठी 400 प्रस्ताव आले आणि ते माझ्या वयाच्या आसपास आहेत. त्यामुळे हे चांगलं आहे की, त्यांचं वय 48 ते 50 दरम्यान आहे'. योग्य वयात प्रियकर मिळूनही फ्रान आपल्या उद्देशात यशस्वी का ठरली नाही?याबाबत फ्रान म्हणाली की, सुरूवातीला तर सगळं काही ठीक असतं. पण जेव्हा पुरूषांसोबत चॅटींग पुढे जाते तेव्हा ते आपला रंग दाखवतात. त्यांच्यासोबत बोलताना हे स्पष्टपणे जाणवतं की, त्यांच्या मनात रिलेशनशिप पुढे नेण्याबाबत काहीच नसतं.
फ्रान असंही म्हणाली की, जास्तीत जास्त पुरूषांना हे माहीत नाही की, सोशल मीडियावर महिलांसोबत कसं बोलावं. त्यांच्यासोबत कसं वागावं.
ती पुढे म्हणाली की, सोशल मीडिया खरं प्रेम आणि रिलेशनशिपचं काही केंद्र नाही. एक दिवस असाही येईल जेव्हा सोशल मीडिया खरं प्रेम संपुष्टात आणेल.
अनेकदा प्रियकरांवर टीका केल्यामुळे तिला जीवे मारण्याच्या धमक्याही मिळाल्या. अनेक घाणेरड्या कमेंटचा सामना करावा लागला. पण तरीही फ्रानला आशा आहे की, तिला एखाद्या चांगल्या व्यक्तीकडून खरं प्रेम मिळेल आणि भविष्यात ती आनंदी राहील.