मुख्यमंत्र्यांनी शिवसैनिकांचे ताेंड गाेड केले, मिठाईचे वाटप

सर्वोच्च न्यायालयाच्या निर्णयानंतर जल्लोष

मुरलीधर भवार, कल्याण: सर्वोच्च न्यायालयाच्या आजच्या निकालानंतर महायुती सरकार कायदेशीर असल्यावर पुन्हा शिक्कामोर्तब झाले आहे. यामुळे राज्यभरातील शिवसेना कार्यकर्त्यांमध्ये मोठ्या उत्साहाचे वातावरण आहे. सर्वोच्च न्यायालयाच्या निकालानंतर विजय जल्लोष साजरा करण्यासाठी सह्याद्री अतिथीगृहाबाहेर मोठ्या संख्येने शिवसैनिक उपस्थित होते. यावेळी कल्याण लोकसभा मतदारसंघाचे खासदार डॉ. श्रीकांत शिंदे यांनी राज्याचे मुख्यमंत्री एकनाथ शिंदे यांची भेट घेऊन अभिनंदन केले. यावेळी मुख्यमंत्री महोदयांनी उपस्थित शिवसैनिकांचे तोंड गोड करून सर्वांचे आभार मानले.