उत्तूर क्रिकेट क्लब उत्तूर (ता. आजरा) येथे आयोजित केलेल्या आमदार चषक क्रिकेट स्पर्धेत अथर्व चॅम्पियन या संघाने विजेतेपद तर डॉ. जाधव क्रिकेट क्लब संघाने उपविजेतेपद पटकावले. त्यांना रोख बक्षीस व चषक देऊन गौरविण्यात आले. या स्पर्धेत एकूण १० संघ सहभागी झाले होते. आठ षटकांची ही स्पर्धा आयपीएलच्या धर्तीवर भरविण्यात आली. उत्तूर परिसरातील ५० गावांतील एकूण १६० खेळाडूंनी यामध्ये भाग घेतला.
स्पर्धेचे उद्घाटन नवीद मुश्रीफ यांच्या हस्ते झाले. बक्षीस वितरण वसंतराव धुरे, शिरीष देसाई, काशिनाथ तेली, विजय गुरव, विठ्ठल उत्तूरकर, सुधीर सावंत, विजय सावेकर यांच्या हस्ते झाले.
मालिकावीर म्हणून पवन देवरकर तर अंतिम सामन्यात सामनावीर योगिराज कांबळे, उत्कृष्ट फलंदाज संदीप झेंडे-पाटील व उत्कृष्ट गोलंदाज म्हणून शिवाजी बामणे यांचा सत्कार झाला.
----------------------
फोटो ओळी : उत्तूर (ता. आजरा) येथील आमदार चषक क्रिकेट स्पर्धेत अथर्व चॅम्पियन या संघास बक्षीस देताना वसंत धुरे, शिरीष देसाई, काशिनाथ तेली आदी उपस्थित होते.
क्रमांक : ०५०३२०२१-गड-०५