तिळवणी सरपंचांना मारहाण

मिळालेली अधिक माहिती अशी, तिळवणी येथील आठवडा बाजारात बाहेरील लोकांना विक्रीस का बसवले, अशी विचारणा संताजी मुळीक यांनी सरपंच राजेश पाटील यांना केली. तर सरपंच पाटील यांनी बाजारमध्ये कोण बसले, कसे बसले, हे विचारणारे तुम्ही कोण, अशी विचारणा मुळीक यांना करताच यातून वादाचे पर्यवसान मारहाणीत झाल्याचे मत मुळीक यांनी केले आहे. तर सरपंचांनी थकलले घरफाळा भरा, असे मुळीक यांना सांगताच मुळीक हे थेट सरपंच यांच्यावर धावत येऊन मारहाण करत कार्यालयातील वस्तूंची नासधूस केल्याची तक्रार सरपंच राजेश पाटील यांनी केली आहे. ही मारहाण मुक्त पद्धतीने झाल्याने व दोंघाची एकमेकास मारहाण झाल्याने हा वाद हातकणंगले पोलीस स्टेशनमध्ये पोहोचला असून मारहाणीत ग्रामपंचायत कार्यालयातील वस्तूंची नासधूस झाल्याची नोंद हातकणंगले पोलीस स्टेशनमध्ये झाली आहे.