गडहिंग्लज :
गडहिंग्लज शहरातील खासगी खुल्या भूखंडांची वेळोवेळी स्वच्छता करावी, अन्यथा भूखंड मालकांवर दंडात्मक कारवाई करण्यात येईल, असा इशारा नगरपालिकेच्या पाणीपुरवठा व आरोग्य समितीतर्फे देण्यात आला आहे.
डेंग्यूसदृश लक्षणाची साथ व कीटकजन्य आजाराच्या पार्श्वभूमीवर आरोग्य समितीची बैठक ऑनलाईन पार पडली. अध्यक्षस्थानी उपनगराध्यक्ष महेश कोरी होते.
शहरात अनेक खासगी मोकळ्या जागा वापराविना पडून आहेत. त्याठिकाणी गवत व झाडे-झुडपे वाढल्यामुळे डासांचा प्रादुर्भाव वाढला आहे. त्यामुळे परिसरातील नागरिकांच्या तक्रारी येत असल्याने हा निर्णय एकमताने घेण्यात आला. चर्चेत विरोधी पक्षनेते हारुण सय्यद, दीपक कुराडे यांनीही भाग घेतला.
चौकट : १० सप्टेंबरची मुदत
गडहिंग्लज शहरातील खासगी खुल्या जागेवरील गवत व झाडे-झुडपे काढण्यासाठी १० सप्टेंबरपर्यंतची मुदत देण्यात आली आहे. त्यानंतर संबंधित जागा मालकांवर दंडात्मक कारवाई करण्यात येणार आहे.
गडहिंग्लज पालिका : १३०८२०२१-गड-१६