कोल्हापूर : येथील शहिद राजू जाधव मेमोरियल फौंडेशनतर्फे दि. २३ ते २५ डिसेंबरदरम्यान गगनगड ते दाजीपूर अशी घनदाट जंगलातील साहसी पदभ्रमंती मोहिम राबविण्यात येणार आहे. कॅम्प लिडर पोलिस निरिक्षक संजय जाधव यांनी ही माहिती दिली.
जाधव मेमोरियल फौंडेशनतर्फे दरवर्षी साहसी मोहिमांचे आयोजन करण्यात येते. साहसी मोहिम आणि फौंडेशन असे समीकरणच झाले आहे. यंदाही कोल्हापूर जिल्ह्यातील गगनगडपासून दाजीपूरपर्र्यत घनदाट जंगलातील साहसी पदभ्रमंतीचा थरार अनुभवता येणार आहे.
पहिल्या दिवश्ी मोरजाईचा सडा येथील सूर्यास्त पाहून रात्री स्लाईड शो, आकाश दर्शन, कॅम्प फायर आणि बोरबेटला मुक्काम असे नियोजन आहे. दुसऱ्या दिवश्ी जंगल तुडवत दुपारी एक वाजेपर्यंत बायसन टॉवर, सायंकाळी पाच वाजेपर्यंत गगनगिरी आश्रमात रात्रीचे जेवण, कॅम्प फायर, तिसऱ्या दिवशी दाजीपूरचे जंगलात पदभ्रमंती केल्यानंतर दुपारनंतर कोल्हापूरला परत असे या मोहिमेचे नियोजन आहे.
फौंडेशनचे अध्यक्ष अ‍ॅड. विजय जाधव यांच्या मार्गदर्शनाखाली कॅम्प लिडर संजय जाधव, ग्रुप लिडर ऋषिकेश केसकर, नितिन जाधव, सतिश पाटील, क्षितिजा जाधव, संग्राम पाटील (सडोलीकर), सेंट्रल एक्साईजचे सुपरिटेंडेंट राजेंद्र गुंडाळे, अमर पाटील, अविनाश लाड, पोलिस निरिक्षक प्रविण चौगुले, सार्थक जाधव, राजू माने यांच्यासह बोरबेट आणि महादेव मंदिराच्या (गगनगिरी आश्रम) व्यवस्थेसाठीची समिती कार्यरत आहे.१९७८ पासून पदभ्रमंती, २0१८ मध्ये सेव्हन सिस्टर मोहिमकोल्हापूर माउंटेनिअरिंग अ‍ॅडव्हेंचर्स क्लबच्या माध्यमातून १९७८ मध्ये सुरु झालेल्या दाजीपूर पदभ्रमंती मोहिमेत आजतागायत खंड पडलेला नाही. याच क्लबचा हरहुनरी, तडफदार साहसी फौजदार राजू जाधव मुंबईत शीख अतिरेक्यांश्ी झालेल्या धुमश्चक्रीत हुतात्मा झाला.
राजू जाधव यांची आठवण म्हणून १९९२ मध्ये स्थापन झालेल्या फांैडेशनने युवक-युवतींमध्ये साहसी वृत्ती वाढीस लागावी म्हणून हिमालयात अनेक मोहिमा यश्स्वीपणे पार पाडल्या. २0१८ मध्ये सर्वांसाठी १५ दिवसांची नॉर्थ-ईस्ट हिमालयीन सेव्हन सिस्टर मोहिम आयोजित करण्यात आली आहे.
या मोहिमेत सहभागी होण्यासाठी फौंडेश्नचे अध्यक्ष अ‍ॅड. विजय जाधव, शारदा हौसिंग सोसायटी, राजारामपुरी, आठवी गल्ली, कोल्हापूर येथे संपर्क साधावा,असे आवाहन केले आहे.