कोल्हापूरच्या पाच जणींची कुस्ती संघात निवड

इंदापूर येथे झालेल्या निवड चाचणीत फ्रीस्टाईल मुलांमध्ये ६५ किलोगटात सौरभ पाटील (राशिवडे) याची निवड झाली. तर ग्रीको रोमन प्रकारात ६० किलोगटात सद्दाम शेख (दऱ्याचे वडगाव), ७२ किलोगटात आेंकार पाटील (खांटगळे) यांचा समावेश आहे. मुलींमध्ये फ्रीस्टाईल गटात ५३ किलो प्रकारात स्वाती शिंदे (मुरगुड), विश्रांती पाटील (५५ किलो), दिशा कारंडे (५७ किलो), सृष्टी भोसले (६५ किलो), वेदांतिका पवार(६८ किलो) या पाच जणींचा राज्य संघात समावेश आहे. या निवडी महाराष्ट्र राज्य कुस्तीगीर परिषदेतर्फे कार्यालयीन सचिव ललित लांडगे यांनी जाहीर केल्या. या कुस्तीगीरांना कोल्हापूर जिल्हा राष्ट्रीय तालीम संघाचे अध्यक्ष व्ही. बी. पाटील, हिंदकेसरी दिनानाथसिंह, ज्येष्ठ कुस्ती संघटक बाळ गायकवाड आदींचे मार्गदर्शन व प्रोत्साहन लाभले.