कोल्हापूर : Hatkanangale Lok Sabha Result 2024 अपेक्षेप्रमाणे हातकणंगले मतदार संघाच्या मतमोजणीत कमालीची चुरस दिसत आहे. प्रत्येक फेरीत इंडिया आघाडीचे सत्यजीत पाटील (Satyajit Patil) आणि महायुतीचे धैर्यशील माने (Dhairyasheel Mane) यांच्यात मताधिक्य कमी-जास्त होत आहे. तिरंगी लढतीत राजू शेट्टी (Raju Shetti) हे मात्र मागे पडल्याचे दिसत आहे.दुस-या फेरीनंतर सत्यजीत पाटील यांनी १४४८ मतांची आघाडी घेतली. पोस्टल मतांमध्ये धैर्यशील माने यांनी काहीशी आघाडी घेतली होती. पहिल्या फेरीत या दोन्ही उमेदवारांमध्ये कमालीची चुरस दिसली. कधी माने, तर कधी पाटील हे मताधिक्य घेत होते.सहा विधानसभा मतदार संघात प्रत्येक ठिकाणी वेगळी स्थिती असल्याने सातत्याने चित्र बदलत आहे. दुस-या फेरीअखेर सत्यजीत पाटील यांनी १४४८ मतांची आघाडी घेतली असून, ती किती काळ टिकते हे पाहावे लागेल.
Hatkanangale Lok Sabha Result 2024: हातकणंगलेत प्रचंड चुरस; सत्यजीत पाटील-धैर्यशील माने यांच्यात काँटे की टक्कर
By उद्धव गोडसे | Published: June 04, 2024 10:01 AM