जयसिंगपूर : समस्त महाजन संस्था, मुंबई व संवेदना फाैंडेशन, सांगली यांच्या संयुक्त विद्यमाने सांगली व कोल्हापूर जिल्ह्यातील पूरग्रस्त नागरिकांना जीवनावश्यक वस्तूंच्या साहित्याचे वाटप करण्यात आले. येथील पालिकेच्या सहकारमहर्षी शामराव पाटील-यड्रावकर नाट्यगृहाच्या प्रांगणामध्ये हा कार्यक्रम पार पडला. यावेळी नगरसेविका स्वरूपा पाटील-यड्रावकर यांच्याहस्ते पूरग्रस्तांना कीटचे वाटप करण्यात आले. अध्यक्ष रोनक शहा म्हणाले, पुरामुळे नुकसान झालेल्या कुटुंबांना मिळालेली मदत ही निश्चितच आदर्शवत आहे. या कुटुंबांना मदतीची आवश्यकता आहे, हे ओळखून संस्थेकडून झालेली मदत पूरबाधित नागरिक कधीच विसरणार नाहीत. यापुढे संवेदना फाैंडेशन व समस्त महाजन संस्था यांनी कायमस्वरूपी शिरोळ तालुक्यासाठी मदतीचा हात द्यावा, असे आवाहन त्यांनी केले. यावेळी उद्योजक कनक शहा यांच्यासह महाजन संस्था, मुंबई, संवेदना फाैंडेशन, सांगली यांचे पदाधिकारी, पूरग्रस्त उपस्थित होते.
फोटो - ०१०९२०२१-जेएवाय-०२
फोटो ओळ - जयसिंगपूर येथे पूरग्रस्त कुटुंबांना नगरसेविका स्वरुपा पाटील-यड्रावकर यांच्याहस्ते जीवनावश्यक साहित्यांचे वाटप करण्यात आले.