लोकमत न्यूज नेटवर्क
कोल्हापूर : जिल्ह्यातील कंटेन्टमेन्ट झोनच्या बाहेरील सर्व ऐतिहासिक वास्तू, दुर्ग, किल्ले, स्मारके, संग्रहालये मार्गदर्शक सूचनांचे काटेकोरपणे पालन करण्याच्या अटी व शर्तीसह पर्यटक व नागरिकांसाठी खुले करण्याचे आदेश जिल्हाधिकारी दौलत देसाई यांनी शुक्रवारी दिले.
या ठिकाणी आरोग्य आणि कुटुंब कल्याण मंत्रालय भारत सरकार यांच्याद्वारे निर्गमित केलेल्या व शासन, सार्वजनिक आरोग्य विभाग व सांस्कृतिक कार्य विभागामार्फत निर्गमित केल्या जाणाऱ्या मानक कार्यप्रणालींचा अवलंब करणे बंधनकारक राहील तसेच या ठिकाणी आवश्यक शारीरिक अंतर बाळगणे, मास्क वापरणे व वेळोवेळी हात निर्जंतुकीकरण करणे सर्व संबंधितांवर बंधनकारक राहणार असेल.
--
लॉकडाऊनमध्ये २८ फेब्रुवारीपर्यंत वाढ
जिल्ह्यामध्ये लॉकडाऊनची मुदत २८ फेब्रुवारीपर्यंत वाढविण्यात आल्याचे आदेश जिल्हाधिकारी दौलत देसाई यांनी दिले. यापूर्वी प्रतिबंधित बंद क्षेत्र व सूट वगळण्यात आलेली क्षेत्र कायम ठेवण्यात येत आहेत. आदेशाचे पालन न करणाऱ्या कोणतीही व्यक्ती अथवा संस्थेवर साथ रोग नियंत्रण कायद्यातील तरतुदीप्रमाणे फौजदारी कारवाई करण्यात येईल, असेही आदेशात नमुद आहे.
---