शहरं
Join us  
Trending Stories
1
"लोकसभेत गुडघ्यावर आणले, आता महायुतीस पाताळात गाडणार"; उद्धव ठाकरेंचा इशारा
2
"मला हलक्यात घेतलं, त्याचे परिणाम आता दिसतायत"; मुख्यमंत्री एकनाथ शिंदेंचा राऊतांना इशारा
3
"केंद्र बिंदूच्या बुडाला आग लावायची वेळ आली"; उद्धव ठाकरेंचा ठाण्यातून महायुतीवर घणाघात
4
भविष्यात दोन ठाकरे एकत्र येऊ शकतात का? मनसेसोबत युती होऊ शकते का...? उद्धव ठाकरे म्हणाले...
5
...म्हणून उद्धव ठाकरे यांनी थेट फोनद्वारे घेतली सभा; "नाराज होवू नका एकत्र येवून..."
6
२०१४ ला भाजपाला त्यांची खरी ताकद कळली, अन् त्यानंतर वाढतच गेली!.. जाणून घ्या काय घडलं?
7
"साईबाबांच्या आशीर्वादामुळे उद्धव ठाकरे मुख्यमंत्री झाले, अन्यथा..."; दीपक केसरकरांचा पलटवार
8
Maharashtra Vidhan Sabha Election 2024 :'महाराष्ट्रात पैशाच्या जोरावर सरकार चोरले, तुम्ही संविधानाच्या गोष्टी करता'; प्रियांका गांधींचा हल्लाबोल
9
गावाकडे पण, इकडे शहरातपण यादीत नाव ...! राज्यातील दहा मतदारसंघात नवी मुंबईकरांची नावे
10
Champions Trophy Tour: पाकचा डाव फसला! BCCI च्या आक्षेपानंतर ICC नं सेट केला कार्यक्रम
11
मणिपूरमधील जिरीबाममध्ये तीन मृतदेह सापडले, मंत्री आणि आमदारांच्या निवासस्थानाबाहेर गोंधळ; संचारबंदी लागू
12
पाठिंबा दिलेल्या अपक्ष उमेदवाराला वंचितने दिले चाबकाचे फटके, काळेही फासले; असे का घडले...
13
IND vs AUS: टीम इंडियात बदल होणार? संघात या दोघांना मिळू शकते 'वाइल्ड कार्ड' एन्ट्री
14
दिलीप वळसे, मुश्रीफांना पाडण्याचे शरद पवारांचे आवाहन; अजितदादांवर म्हणाले, "तिथं काय बोलणार..."
15
भाजपानं घोषित केलेली 'भावांतर योजना' गेमचेंजर ठरणार?; शेतकर्‍यांची चिंता मिटणार
16
पत्रकार गुलाम आहेत; अमरावतीच्या सभेत राहुल गांधींचं विधान; पत्रकारांनी व्यक्त केला संताप
17
'बंटोगे तो कटोगें'वर कंगना यांचा घुमजाव; आधी म्हणाली, "हा विरोधकांचा मुद्दा" अन् नंतर...
18
भाजपच्या किती जागा येणार? जयंत पाटलांनी सांगितला आकडा; केली मोठी भविष्यवाणी!
19
Maharashtra Vidhan Sabha Election 2024 : शिराळा विधानसभेत टफ फाईट! सत्यजीत देशमुख की मानसिंगराव नाईक,कोण मारणार बाजी?
20
भारताने ब्रिटनच्या अर्थव्यवस्थेला मागे टाकले! माजी पंतप्रधान लिज ट्रस म्हणाल्या, "पश्चिमात्य देशांची प्रतिष्ठा संकटात"

हेरिटेज वास्तूला बाधा नसेल तर पंचगंगा घाटास परवानगी द्या

By लोकमत न्यूज नेटवर्क | Published: July 09, 2021 4:16 AM

कोल्हापूर : पंचगंगा नदी घाटाच्या परिसरात होणाऱ्या नियोजित विकासकामांच्या आराखड्यामुळे हेरिटेज वास्तूला बाधा येते का, याची संयुक्त छाननी ...

कोल्हापूर : पंचगंगा नदी घाटाच्या परिसरात होणाऱ्या नियोजित विकासकामांच्या आराखड्यामुळे हेरिटेज वास्तूला बाधा येते का, याची संयुक्त छाननी करून जर बाधा येणार नसेल तर केंद्रीय पुरातत्त्व विभागाची ‘एनओसी’ मिळविण्यासाठी सामूहिक प्रयत्न करा, अशा सक्त सूचना गुरुवारी खासदार प्रा. संजय मंडलिक यांनी संबंधित अधिकाऱ्यांना दिल्या.

जर हेरिटेज कमिटीला काही शंका असतील तर त्यांनी जागेवर कागदोपत्री पुराव्यानिशी हेरिटेज वस्तूला धक्का लागतो हे सिद्ध करावे, जर असे सिद्ध झाले नाही तर हेरिटेज कमिटीने या कामास विनाशर्त परवानगी उपलब्ध करून द्यावी, अशी सूचनाही त्यांनी केली. विकास कामात कोणी आडवा येत असेल तर ते योग्य नाही, त्यांनी असे प्रयत्न करणे चुकीचे आहे, अशा शब्दात खासदार मंडलिक यांनी नाराजी व्यक्त केली.

पंचगंगा घाटाचे काम लवकर सुरू व्हावे म्हणून सार्वजनिक बांधकाम विभाग, महानगरपालिका, हेरिटेज कमिटी सदस्य यांची संयुक्त बैठक गुरुवारी मंडलिक यांनी घेतली. या बैठकीत बांधकाम विभाग व आर्किटेक्ट इंद्रजित नागेशकर यांनी आराखड्यांना यापूर्वी केंद्रीय पुरातत्त्व विभागाने एनओसी दिल्यानंतर कामाला सुरुवात केली होती; परंतु तक्रारी आल्याचे सांगून हेरिटेज कमिटीच्या सूचनेनुसार महापालिकेने काम थांबविले असल्याचे सांगितले.

पंचगंगा घाट विकासाचे काम झालेच पाहिजे, ज्या कोणी तक्रारी केल्या आहेत त्यात कितपत तथ्य आहे याची खात्री करून घ्या, विकासकामामुळे हेरिटेज वास्तूला कुठे बाधा पोहचते का तपासून पाहा, जर कोणतीच बाधा पोहचत नसेल तर तुम्ही सर्वजण सोमवारी एकत्र बसून चर्चा करा आणि सामूहिकपणे केंद्रीय पुरातत्त्व विभागाची परवानगी मिळविण्यासाठी प्रयत्न करा, अशा सूचना खासदार मंडलिक यांनी दिल्या.

बैठकीला सहायक संचालक रामचंद्र महाजन, कांबळे, बांधकाम विभागाचे उपअभियंता भोसले, महापालिकेचे अभियंता सुनील भाईक, अभियांत्रिकी महाविद्यालयाचे दिघे, प्रशांत हडकर, हेरिटेज कमिटी अध्यक्षा अमरजा निंबाळकर, सदस्य उदय गायकवाड उपस्थित होते.

निंबाळकर बैठकीतून निघून गेल्या -

बैठक संपता संपता आर्किटेक्ट इंद्रजित नागेशकर आराखडा समजावून सांगत असताना हेरिटेज कमिटीच्या अध्यक्ष अमरजा निंबाळकर बैठक सोडून न सांगता निघून गेल्या. त्या निघून जाण्याचे कारण कोणालाच कळले नाही; परंतु त्यांच्या जाण्यामुळे खासदार मंडलिक यांच्यासह सगळेच अचंबित झाले.