खुपिरे (ता. करवीर) येथे जिल्हा परिषद सदस्या कोमल मिसाळ यांच्या फंडातून खुपिरे शाळेच्या नूतन आरसीसी इमारत उद्घाटन आ. प्रा. जयंत आसगावकर यांच्या हस्ते झाले.यावेळी जिल्हा परिषद सदस्या कोमल मिसाळ, पंचायत समिती सदस्या यशोदा पाटील सरपंच संजय पाटील यांची प्रमुख उपस्थिती होती.
यावेळी आ. आसगावकर म्हणाले कोल्हापूर जिल्ह्यात अनेक शाळांनी शतकपूर्ती पार केली आहे. या शाळांनी गौरवशाली शैक्षणिक काम केले आहे. उपलब्ध साधन सामग्रीवर शिक्षकांनी काम करताना शैक्षणिक स्तर वाढविला आहे. पण आता शैक्षणिक सुविधांकडे दुर्लक्ष करणार नाही. मी आमदार झाल्याने अनेक प्रश्न मार्गी लावण्यासाठी मदत होणार आहे. यावेळी कुंभी कारखान्याचे संचालक संजय बळवंत पाटील, पोलीस पाटील सविया गुरव, अनू आसगावकर, एस. डी. पाटील, प्रकाश पाटील, ग्रामसेवक अशोक पाटील, तानाजी पाटील,व्ही. के. पाटील उपस्थित होते.
(फोटो) खुपिरे येथील शाळेच्या नूतन इमारतीचे उद्घाटन करताना आ. प्रा आसगांवकर, सरपंच संजय पाटील, कोमल मिसाळ, यशोदा पाटील