पेठवडगाव : शहरात देशाचा अमृत महोत्सवी ७५ वा स्वातंत्र्यदिन उत्साहात संपन्न झाला.
वडगाव पालिकेची प्रशासकीय इमारत, पालिका चौकात सार्वजनिक ध्वजारोहण नगराध्यक्ष मोहनलाल माळी यांच्या हस्ते झाले. तर गांधी चौकातील ध्वजारोहण धान्य व्यापारी प्रवीण दुर्गंळे यांच्या हस्ते झाले.
येथील वडगाव न्यायालयात न्यायाधीश जे. एस. गायकवाड यांच्या हस्ते ध्वजारोहण झाले तर वडगाव पोलीस ठाण्यात पोलीस निरीक्षक संतोष घोळवे यांच्या हस्ते ध्वजारोहण झाले.
डाॅ. सायरस पुनावाला स्कूलमधील ध्वजारोहण सेवानिवृत्त कर्नल भगतसिंग देशमुख यांच्या हस्ते झाले. यावेळी अध्यक्ष गुलाबराव पोळ, विद्या पोळ, विश्वास कदम, सेवानिवृत्त मेजर चंद्रसेन कुलथे, डाॅ. सरदार जाधव आदी उपस्थित होते.
बळवंतराव यादव हायस्कूलमध्ये डाॅ. सदानंद शिंगे यांच्या हस्ते ध्वजारोहण झाले. यावेळी प्राचार्य प्रदीप पाटील, कार्यवाह अभिजीत गायकवाड तर आदर्श गुरूकुल ॲकॅडमीमध्ये डी. एस. घुगरे यांच्या हस्ते झाले. यावेळी मुख्याध्यापक महानंदा घुगरे, एस. ए. पाटील आदी उपस्थित होते. जिनिअस इंग्लिश मीडियम स्कूलमध्ये उद्योगपती घन:शाम आवटी यांच्या हस्ते ध्वजारोहण झाले. यावेळी अध्यक्ष महेश पोळ उपस्थित होते. तर जयभवानी अर्बन पतसंस्थेत छत्रपती शिवाजी कोविड सेंटरमध्ये योगदान देणाऱ्या कोरोना योद्ध्यांच्या हस्ते ध्वजारोहण करण्यात आले.