राधानगरी : राधानगरी परिसरात भारतीय स्वातंत्र्यदिनाचा ७४ वा वर्धापन दिन उत्साहात संपन्न झाला. कोरोनाच्या पार्श्वभूमीवर विद्यार्थ्यांविना व मोजक्याच लोकांच्या उपस्थितीत ध्वजारोहण करण्यात आले. बहुंताश संस्था, मंडळे यांनी निर्बंधांमुळे कार्यक्रम केले नाहीत. येथील तहसील कार्यालयातील ध्वजारोहण तहसीलदार मीना निंबाळकर यांच्या हस्ते झाले. यावेळी पोलीस निरीक्षक उदय डुबल, नायब तहसीलदार विजय जाधव, गटविकास अधिकारी संदीप भंडारी, सभापती सोनाली पाटील यांच्यासह तालुक्यातील विविध खात्यांचे अधिकारी, सेवा संस्थांचे पदाधिकारी, स्वातंत्र्यसैनिक व ग्रामस्थ उपस्थित होते. यावेळी साईराज पांडे या विद्यार्थ्याने ‘स्वातंत्र्याचा रणसंग्राम’ या विषयावर मनोवेधक भाषण केले. येथील राधानगरी विद्यालयाचे ध्वजारोहण तालुका आरोग्य अधिकारी राजेंद्र शेटे यांच्या हस्ते झाले. यावेळी मुख्याध्यापक आर. डी. कांबळे, पर्यवेक्षिका संगीता पाटील, महाविद्यालयाचे प्राचार्य वसंत ढेरे, सर्व शिक्षक व कर्मचारी उपस्थित होते. यावेळी डॉ. शेटे यांचा कोरोना काळात केलेल्या कार्याबद्दल मुख्याध्यापक आर. डी. कांबळे यांच्या हस्ते सत्कार करण्यात आला. ग्रामपंचायतीचे ध्वजारोहण सरपंच कविता शेट्टी यांच्या हस्ते तर ग्रामविकास अधिकारी एम. आर. गुरव यांच्यासह ग्रामपंचायतीचे सर्व सदस्य, कर्मचारी व ग्रामस्थ यांच्या उपस्थितीत संपन्न झाला.
राधानगरी परिसरात भारतीय स्वातंत्र्यदिन
By लोकमत न्यूज नेटवर्क | Published: August 17, 2021 4:29 AM