कोल्हापूर : डाव्या संघटनांचा युवा आक्रमक चेहरा असलेला कन्हैयाकुमार शनिवारी (दि.२०) कोल्हापुरात येत आहे. शहीद गोविंदराव पानसरे यांच्या सहाव्या स्मृतिदिनाचे औचित्य साधून दसरा चौकात त्याची जाहीर सभा होणार असल्याची माहिती गिरीश फाेंडे यांनी दिली.
गोविंदराव पानसरे यांचा शनिवारी सहावा स्मृतिदिन आहे. या निमित्ताने डाव्या संघटनांनी कार्यक्रमांची आखणी केली आहे. ऑनलाइन मेळाव्यांतर्गत एनडीटीव्हीचे ज्येष्ठ पत्रकार रविशकुमार यांचे मार्गदर्शन झाल्यानंतर संध्याकाळी ६.३० वाजता दसरा चौकातील मैदानावर कन्हैयाकुमार याची सभा होणार आहे. ऑल इंडिया स्टुडंट फेडरेशन व ऑल इंडिया यूथ फेडरेशनने या कार्यक्रमाचे आयोजन केले आहे. कार्यक्रमाच्या अध्यक्षस्थानी ग्रामविकासमंत्री हसन मुश्रीफ असतील. आमदार चंद्रकांत जाधव, आमदार राजूबाबा आवळे, माजी आमदार मालोजीराजे, जवाहरलाल नेहरू युनिव्हर्सिटीच्या विद्यार्थी नेत्या अमृता पाठक यांची या सभेला प्रमुख उपस्थिती असणार आहे. पत्रकार बैठकीला प्रशांत आंबी, हरीश कांबळे, जावेद तांबोळी, आरती रेडेकर, योगेश कसबे, स्नेहल माने आदींची उपस्थिती होती.
फोटो : १७०२२०२१-कोल-कन्हैयाकुमार