ठळक मुद्देकसबा बावडा येथील बाजारातून सोन्याचे बदाम लंपासशाहुपूरी पोलीसांत फिर्याद
कोल्हापूर : कसबा बावडा येथील बाजारातून चार वर्षाच्या मुलाच्या गळ्यातील सोन्याचे बदाम चोरट्याने हातोहात लंपास केले. ही घटना रविवारी (दि. १) रोजी घडली.अधिक माहिती अशी, राहुल बंडोपंत मगदूम (वय ४३, रा. मानसी अपार्टमेंन्ट, रणदिवे गल्ली, कसबा बावडा) हे पत्नी वृषाली, भावजय नेहा व मुलगा राजवीर यांना घेवून कसबा बावडा येथील आठवडी बाजारात भाजीपाला खरेदीसाठी गेले होते.
गर्दीचा फायदा घेत चोरट्याने त्यांच्या मुलाच्या गळ्यातील सोन्याचे बदाम चोरुन नेले. याप्रकरणी त्यांनी शाहुपूरी पोलीसांत फिर्याद दिली. या बाजारपेठेमध्ये ग्राहकांचे मोबाईल, पाकिटे, पर्स चोरीला जातात.
शाहुपूरी पोलीसात या बाजारपेठेतील शेकडो चोऱ्यांची नोंद आतापर्यंत झाली आहे. पोलीस दूर्लक्ष करीत असल्याने चोऱ्यांचे प्रमाण वाढले आहे.