शहरं
Join us  
Trending Stories
1
Maharashtra Vidhan Sabha Election 2024 Results Highlights: ही काय भानगड! ९५ मतदारसंघात मतांमध्ये तफावत; मतदान अन् EVM ची मते कुठे जुळली नाहीत?
2
५० खोके एकदम ओके...राज्यात गाजलेली घोषणा पहिल्यांदा देणारा आमदारही निवडणुकीत पराभूत
3
"...तर याचा करेक्ट कार्यक्रम वाजला असता"; रोहित पवारांच्या 'त्या' विधानावर अमोल मिटकरी भडकले
4
Sambhal Violence : संभलमध्ये हिंसाचार भडकावल्याप्रकरणी सपा खासदार आणि आमदाराच्या मुलावर गुन्हा दाखल, पोलिसांकडून अनेक ठिकाणी  छापेमारी
5
"ज्यांना जनतेने ८० वेळा नाकारलं, ते रोखताहेत संसदेचं कामकाज’’, पंतप्रधान मोदींची टीका   
6
'हास्यजत्रा' फेम प्रियदर्शनी इंदलकरचं अनेक वर्षांपासूनचं स्वप्न झालं पूर्ण! अभिनेत्री म्हणाली- "लंडनमध्ये जाऊन..."
7
"नियोजित कट होता, त्यात माझा बळी गेला"; अजित पवारांवर राम शिंदेंचा गंभीर आरोप
8
४ जणांचा मृत्यू , २० हून अधिक पोलीस जखमी… संभलमध्ये बाहेरच्या लोकांना प्रवेश नाही; काय आहे प्रकरण?
9
कोण किशोर कुमार? आलियाने पहिल्याच भेटीत विचारलेला प्रश्न; रणबीर कपूरचा खुलासा
10
नाना पटोलेंनी प्रदेशाध्यक्षपदाचा राजीनामा दिल्याची चर्चा; काँग्रेसकडून वृत्ताचे खंडन
11
थोडक्यात वाचलास, माझी सभा झाली असती तर...; प्रीतीसंगमावर अजित पवार-रोहित पवारांची भेट!
12
Raj Thackeray MNS: राज ठाकरे यांचे इंजिन धोक्यात, पक्षाची मान्यता जाणार का?
13
RIL share price: रिलायन्स इंडस्ट्रीजवर ब्रोकरेज बुलिश, रिस्क रिवॉर्ड अनुकूल; दिला खरेदीचा सल्ला
14
Maharashtra Vidhan Sabha Election 2024 Results Highlights: अनेक नेत्यांचे राजकीय अस्तित्व धोक्यात; कुणी कमावलं तर कुणी काय गमावलं? जाणून घ्या
15
मासेमारी करणाऱ्या बोटीत सापडले पाच टन ड्रग्ज, तटरक्षक दलाची सर्वात मोठी कारवाई
16
स्टेजवर जाऊन बॉयफ्रेंडने गर्लफ्रेंडला केलं प्रपोज! दिलजीत दोसांझच्या पुणे कॉन्सर्टमधील व्हिडीओ व्हायरल
17
अहिल्यानगरमध्ये भाजपच्या दोघांना, राष्ट्रवादीच्या एकाला मिळू शकते संधी; मंत्रिपदाचे सात दावेदार!
18
पर्थ कसोटीत ऑस्ट्रेलियाची दाणादाण, टीम इंडिया विजयापासून पाच पावलं दूर
19
रश्मिका, तू कोणाशी लग्न करणार? 'श्रीवल्ली'ने दिलेलं उत्तर ऐकून एकच हशा पिकला
20
Maharashtra Assembly Election Result 2024: आता नवीन सरकार लगेच स्थापन होणे अनिवार्य नाही; राष्ट्रपती राजवटीची शक्यता नाही

मुश्रीफ, कोरे, सतेज पाटील यांच्यात गुफ्तूगू, ‘गोकुळ’सह जिल्ह्याच्या राजकारणावर चर्चा

By लोकमत न्यूज नेटवर्क | Published: January 25, 2020 3:32 PM

ग्रामविकास मंत्री हसन मुश्रीफ, पालकमंत्री सतेज पाटील व ‘जनसुराज्य’ पक्षाचे अध्यक्ष आमदार विनय कोरे यांच्यात शासकीय विश्रामगृहात स्वतंत्रपणे सुमारे अर्धा तास बंद दाराआड चर्चा झाली. ‘गोकुळ’सह जिल्ह्याच्या राजकारणावर तिन्ही नेत्यांमध्ये विचारविमर्श झाला.

ठळक मुद्देमुश्रीफ, कोरे, सतेज पाटील यांच्यात गुफ्तूगू, जिल्ह्याच्या राजकारणावर चर्चा‘गोकुळ’- कोरे आमच्यासोबतच राहतील : सतेज पाटील

कोल्हापूर : ग्रामविकास मंत्री हसन मुश्रीफ, पालकमंत्री सतेज पाटील व ‘जनसुराज्य’ पक्षाचे अध्यक्ष आमदार विनय कोरे यांच्यात शासकीय विश्रामगृहात स्वतंत्रपणे सुमारे अर्धा तास बंद दाराआड चर्चा झाली. ‘गोकुळ’सह जिल्ह्याच्या राजकारणावर तिन्ही नेत्यांमध्ये विचारविमर्श झाला.जिल्हा नियोजन मंडळाची बैठक शुक्रवारी जिल्हा परिषदेच्या सभागृहात पार पडली. ही बैठक संपल्यानंतर पत्रकार परिषद झाली. ती सुरू असतानाच मंत्री हसन मुश्रीफ तेथून उठले आणि विश्रामगृहावर पोहोचले. त्यांच्या पाठोपाठ मंत्री सतेज पाटील हेही थोड्या वेळाने गेले. तत्पूर्वी मंत्री मुश्रीफ व आमदार विनय कोरे यांच्यात बंद दाराआड सुमारे वीस-पंचवीस मिनिटे चर्चा झाली. तेथून आमदार कोरे हे मंत्री पाटील यांच्या कक्षात गेले. तिथेही त्यांनी चर्चा केली.‘गोकुळ’ व जिल्हा बॅँकेच्या निवडणुकीत आमदार कोरे हे आपल्यासोबत राहावेत, यासाठी प्रयत्न सुरू आहेत. सुरुवातीला कर्णसिंह गायकवाड यांना सत्तारूढ गटातून उमेदवारी द्यायच्या अटीवर विनय कोरे हे महादेवराव महाडिक, आमदार पी. एन. पाटील यांच्यासोबत जाणार होते. मात्र ठराव दाखल करण्याच्या वेळी आमदार कोरे यांनी वेगळी भूमिका घेतली.

कर्णसिंह गायकवाड हे विरोधी गटासोबत उपस्थित राहिल्याने त्यांची दिशा स्पष्ट झाली होती. शुक्रवारी तिन्ही नेत्यांच्या भेटीत याच विषयावर चर्चा झाली. जिल्हा बॅँकेवर ‘गोकुळ’च्या आघाडीचे काय परिणाम होतील; शेतकरी संघ, राजाराम साखर कारखान्यासह इतर बाबींवर भेटीत चर्चा झाल्याचे समजते.आणखी दोन संचालक संपर्कात‘गोकुळ’च्या तीन संचालकांनी सत्तारूढ गटापासून फारकत घेतली आहे. ते आमच्यासोबत राहतीलच. मात्र आणखी दोन संचालकांसह जिल्ह्यातील इतर नेतेही आमच्या संपर्कात आहेत. ‘थोडे थांबा, काय होते ते पाहा,’ असे मंत्री सतेज पाटील यांनी सांगितले.

जिल्हा नियोजन मंडळाच्या बैठकीला वेळेत पोहोचता आले नाही. त्यामुळे पालकमंत्री या नात्याने सतेज पाटील यांची भेट घेतली. साहजिकच ‘गोकुळ’सह इतर राजकारणावर चर्चा झाली.- आमदार विनय कोरे

आमदार विनय कोरे हे मतदारसंघातील कामांसाठी भेटले. साहजिकच ‘गोकुळ’बाबत चर्चा होणारच. ते आमच्यासोबतच राहतील.- सतेज पाटील (पालकमंत्री, कोल्हापूर)

 

टॅग्स :PoliticsराजकारणGokul Milkगोकुळkolhapurकोल्हापूर