कोल्हापूर : कोल्हापूर जिल्हा राष्ट्रवादी काॅंंग्रेस पक्षाच्या करवीर विधानसभा चित्रपट साहित्य व सांस्कृतिक अध्यक्षपदी दशरथ नंदीवाले यांची नियुक्ती झाली. निवडीचे पत्र नुकतेच जिल्हाध्यक्ष ए. वाय. पाटील यांच्या हस्ते व करवीर विधानसभा राष्ट्रवादी काॅंंग्रेस पक्षाचे अध्यक्ष संभाजी पाटील यांच्या उपस्थितीत देण्यात आले.
फोटो : १५०७२०२१-कोल-दशरथ नंदिवाले
आरटीओ कामकाज पूर्ववत करा
कोल्हापूर : नवीन अथवा जुन्या वाहनांचा बँक बोजा, आर.सी. बुकावर नोंद होत नसल्याने बँका कर्ज देत नाहीत; त्यामुळे व्यवहार थंडावल्याने उदरनिर्वाह कसा करायचा असा प्रश्न पडला आहे. त्यामुळे प्रादेशिक परिवहन कार्यालयात निर्बंध असले तरी किमान ३० टक्के कर्मचाऱ्यांच्या उपस्थितीत तरी कामकाज सुरू करून नागरिकांसह यावर अवलंबून असलेल्यांना दिलासा द्यावा, अशी मागणी कोल्हापूर जिल्हा कार असोसिएशनतर्फे प्रादेशिक परिवहन अधिकारी डाॅ. एस. टी. अल्वारिस यांच्याकडे गुरुवारी निवेदनाद्वारे केली. यावेळी असोसिएशनचे अध्यक्ष सुधाकर सासने, उपाध्यक्ष जमीर सय्यद, सचिव इजाज नागरकट्टी, कार्याध्यक्ष कपिल ढवाण, तौफिक बलाबल, यासीन शेख, आदी उपस्थित होते.
फोटो : १५०७२०२१-कोल-आरटीआे
आेळी : कोल्हापूर प्रादेशिक परिवहन कार्यालयाचे कामकाज पूर्ववत सुरू करावे, याकरिता प्रादेशिक परिवहन अधिकारी डाॅ. एस. टी. अल्वारिस यांना कोल्हापूर जिल्हा कार डीलर असोसिएशनतर्फे गुरुवारी निवेदन देण्यात आले.