शहरं
Join us  
Trending Stories
1
Vinod Tawde: बविआने पैसे वाटताना पकडले? विनोद तावडेंची पहिली प्रतिक्रिया...
2
Maharashtra Vidhan Sabha Election 2024 :'अखेर भ्रष्टयुतीचा कारभार उघडा पडला, विनोद तावडेंवर कारवाई झाली पाहिजे'; नाना पटोलेंची मागणी
3
आईवरील उपचार थांबवून त्यांनी...; श्रीनिवास पवारांचा अजित पवारांवर मोठा आरोप
4
Vinod Tawde News "मला भाजपवाल्यांनीच सांगितले की ते..."; विनोद तावडेंनी पैसे वाटल्याच्या आरोपांवर ठाकुरांचा मोठा दावा
5
घसरत्या बाजारात कुठे गुंतवणूक कराताहेत Mutual Fund हाऊस, कोणते आहेत ३ महिन्यांतील टॉप शेअर्स?
6
एक विवाह ऐसा भी! ११ रोपं आणि १ रुपया घेऊन नवरदेवाने बांधली लग्नगाठ; म्हणाला...
7
गौरी महालक्ष्मी योग: ७ राशींना भरपूर लाभ, शेअर बाजारातून नफा; उत्पन्न वाढेल, सुख-वैभव काळ!
8
अमेरिकेत संक्रमित गाजर खाल्ल्याने एका व्यक्तीचा मृत्यू, अनेक जण आजारी; १८ राज्यांमधून परत मागवले
9
Vinod Tawde विनोद तावडेंनी पैसे वाटल्याचा बविआचा आरोप, विरारमध्ये मोठा राडा; भाजपा म्हणते, ही तर स्टंटबाजी
10
महाराष्ट्र, झारखंडमध्ये फलोदी सट्टाबाजाराचा मूड काय? मविआ की महायुती...
11
"कुठे आहेत निष्पक्ष निवडणुका?"; अंबादास दानवेंनी समोर आणला पैसे वाटपाचा VIDEO
12
स्पेस स्टेशनमध्ये सुनीता विल्यम्सची तब्येत बिघडली, वजन कमी होत आहे? स्वत: दिली माहिती
13
Gold Silver Rates Today : लग्नसराईच्या हंगामादरम्यान सोन्या-चांदीच्या दरात तेजी, पटापट चेक करा आजचे नवे दर
14
मतदारांना लागणार चंदनाचा टिळा अन् मिळणार तुळशीचे रोप; पनवेल ठरणार लोकशाहीच्या उत्सवाचे मॉडेल
15
"महाविकास आघाडीचा खोटं बोलून सत्तेत यायचा प्रयत्न"; धनंजय मुंडेंचं टीकास्त्र
16
Vidhan Sabha election: महाराष्ट्रात प्रत्येक विधानसभेला किती पक्ष रिंगणात?
17
'त्या' शोरूममध्ये काहीच आढळलं नाही; श्रीनिवास पवारांचा अजित पवारांवर निशाणा
18
Naga chaitanya-Sobhita wedding: शोभिता नेसणार कांजीवरम साडी पण...; काय आहे खास?
19
गृहपाठ न केल्याने शिक्षक झाला हैवान; मुलाला काठीने केली मारहाण, डोळ्याला गंभीर दुखापत
20
२०३५ चा महाराष्ट्र कसा असेल?; फडणवीसांनी मांडले ६ मुद्दे, सांगितलं पुढचं व्हिजन

पानसरे स्मारक सुधारित आराखडा तयार

By admin | Published: January 13, 2017 12:34 AM

वीस लाख रुपये खर्च अपेक्षित : मंगळवारी महानगरपालिकेमध्ये सादरीकरण होणार

कोल्हापूर : संपूर्ण आयुष्य सर्वसामान्य, कष्टकरी जनतेला न्याय्य हक्क मिळवून देण्यात खर्ची घालणारे ज्येष्ठ कामगार नेते अ‍ॅड. गोविंद पानसरे यांच्या स्मारकाचा सुधारित आराखडा तयार करण्यात आला असून, येत्या मंगळवारी महानगरपालिकेत त्याचे सादरीकरण केले जाणार आहे. आधीचा आराखडा पाच लाख रुपये खर्चाचा होता; परंतु महानगरपालिका लोकप्रतिनिधींच्या आग्रहाखातर तो आता २० लाखांचा करण्यात आला आहे. आपल्या लोकोपयोगी क र्तृत्वाचा ठसा राज्य आणि देशाच्या पातळीवर उमटविणाऱ्या गोविंद पानसरे यांची हत्या होऊन पुढील महिन्यात दोन वर्षे पूर्ण होतील. त्यांच्यावर प्रेम करणाऱ्या असंख्य चाहत्यांनी नवोदित कार्यकर्त्यांना प्रेरणा व प्रोत्साहन मिळावे या हेतूने पानसरे यांचे उचित आणि आगळे-वेगळे स्मारक तयार करण्याचा संकल्प केला आहे. पानसरे यांचा कोल्हापुरातील सर्वच घटकांशी जवळचा संबंध असल्याने महानगरपालिका लोकप्रतिनिधींनीही त्यात विशेष रस दाखविला. महानगरपालिकेच्या २०१६-१७ च्या अंदाजपत्रकात स्मारकाकरिता ५ लाखांच्या निधीची तरतूद केली. पानसरे यांच्याबरोबरीने टोल आंदोलनात सक्रिय भागीदारी करणाऱ्या प्रसिद्ध आर्किटेक्ट राजेंद्र सावंत यांनी स्मारकाचा आराखडा तयार करण्याची जबाबदारी स्वीकारली. त्यांनी आराखडा तयारही केला. त्याचे सादरीकरण महानगरपालिकेत तत्कालीन महापौर अश्विनी रामाणे, स्थायी सभापती मुरलीधर जाधव यांच्या उपस्थितीत झाले. अश्विनी रामाणे यांनी स्मारकाचा आराखडा पाहिल्यानंतर काही सूचना केल्या. त्यावेळी पाच लाख रुपयांची तरतूद झाली असली तरी आणखी निधी लागणार असेल तर तो देण्याची तयारी रामाणे यांनी स्वीकारली; तसेच एकूण २० लाख रुपये देण्याचे त्यांनी जाहीर केले. त्यामुळे स्मारकाचा आराखडा नव्याने करण्याचे काम सुरू झाले. दरम्यान, आर्किटेक्ट राजेंद्र सावंत आजारी पडल्यामुळे एक महिना हे काम थांबले. दरम्यानच्या काळात महानगरपालिकेच्या अधिकाऱ्यांनी प्रत्यक्ष जागेवर जाऊन लाईन आऊट करून दिला. आता नवीन आराखडा तयार झाला आहे. मंगळवारी तो महानगरपालिकेकडे दिला जाणार आहे. विशेष म्हणजे या स्मारकासाठी महानगरपालिका प्रशासनाने शेजारील आणखी काही जागा उपलब्ध करून दिली असून त्या जागी ग्रंथालय उभारले जाणार आहे. मिळालेल्या अतिरिक्त जागेवर गार्डनिंग केले जाणार आहे. (प्रतिनिधी)स्मारकासाठी मनपा देणार २० लाखांचा निधी.मनपाने आणखी जादा जागाही उपलब्ध करून दिली.स्मारकाशेजारी होणार ग्रंथालय व उद्यान. पानसरे कुटुंबीयांच्या सूचनांचा स्मारकाच्या कल्पनेत समावेश. तत्कालीन महापौर अश्विनी रामाणे यांच्या सूचनेप्रमाणे तसेच स्मारकाच्या संकल्पनेविषयी पानसरे कुटुंबीयांनी केलेल्या सूचनेप्रमाणे सुधारित आराखडा तयार झाला असून, महानगरपालिकेची मंजुरी मिळताच लगेचच कामाला सुरुवात करता येईल.- राजेंद्र सावंत,आर्किटेक्ट