डोंगरी विकास कार्यक्रमातून काटेभोगाव पैकी तळेवाडी येथील अंतर्गत रस्त्याच्या खडीकरण, डांबरीकरणासाठी ५ लाखांचा निधी मंजूर करण्यात आला आहे. या कामाच्या शुभारंभप्रसंगी सरपंच रवींद्र पाटील, ग्रा. पं. सदस्य व ग्रामस्थ उपस्थित होते. पोहाळे तर्फ बोरगाव येथे आमदारांचा डोंगरी विकास कार्यक्रमातून रस्ता काँक्रिटीकरणासाठी ५ लाख व २५ / १५ योजनेतून १५ लाखांचा निधी मंजूर झाला आहे. या कामांच्या शुभारंभप्रसंगी सरपंच रेखाताई पाटील, उपसरपंच दत्तात्रय पाटील, अर्जुन काटकर आदी उपस्थित होते. किसरूळ येथे आमदारांचा डोंगरी विकास कार्यक्रमातून ५, ८० लाखांचा निधी मंजूर झाला आहे. या कामाच्या शुभारंभप्रसंगी जि.प.चे माजी समाजकल्याण सभापती आर.के.माळवी, डाॕॅ. एन.डी. पाटील, उपसरपंच अरुण तळेकर, एल. डी. पाटील, भाऊसाहेब मुगडे, ए. के. पाटील, श्रीकांत दाभाडे, युवराज मोरे, केशव मुगडे, शंकर तेली, जोतीराम सुतार आदी उपस्थित होते.
पाटपन्हाळा येथे २५ /१५ योजनेतून २५ लाखांचा निधी मंजूर झाला आहे. या कामांच्या शुभारंभप्रसंगी जि.प. सदस्य शंकर पाटील, सरपंच संदीप पाटील, उपसरपंच रोहन कातळे, आदी उपस्थित होते.
आमदार पी. एन. पाटील यांच्या माध्यमातून करवीर विधानसभा मतदारसंघातील प्रत्येक गावात, वाडीवस्तीवर विकासकामे पोहोचविण्यासाठी प्रयत्नशील असल्याचे राहुल पाटील यांनी यावेळी सांगितले.