कोल्हापूर : महापालिकेच्या प्रभाग क्रमांक ५७ , नाथागोळे तालीम प्रभागातून काँग्रेसकडून प्रिया राहुल दुकांडे या निवडणूक लढविणार असून, पक्षाची उमेदवारी मिळविण्यासाठी त्यांनी जोरदार प्रयत्न चालविले आहेत.
या प्रभागातून काँग्रेसच्या माजी नगरसेविका जयश्री चव्हाण निवडणूक लढविणार असल्याने चव्हाण आणि प्रिया दुकांडे यांच्यात पक्षाची उमेदवारी मिळविण्यासाठी जोरदार रस्सीखेच होणार आहे. प्रिया दुकांडे या माजी उपमहापौर स्मिता माने यांच्या कन्या असून, उच्चशिक्षित बँक अधिकारी आहेत. त्यांचे पती राहुल दुकांडे हे काँग्रेसचे निष्ठावंत कार्यकर्ते आहेत. त्यांनी विद्यार्थीदशेपासून सामाजिक व राजकीय कार्यात सहभाग घेतला आहे. पक्षीय पातळीवर झालेल्या आंदोलनात तसेच टोलविरोधी आंदोलनात, महापूर तसेच कोरोना काळात लोकांना मदत करण्यात पुढाकार घेतला आहे.
भाजपचे जिल्हा उपाध्यक्ष विजय अगरवाल यांनी त्यांच्या मातोश्री चित्रलेखा सुभाष अगरवाल यांच्यासाठी भाजपकडे उमेदवारी मागितली आहे. विजय यांनी भाजपच्या माध्यमातून गेल्या सहा सात वर्षांत कामे केली आहेत. शाहू युथ फौंडेशनचे ते कार्याध्यक्ष आहेत.